പെരിന്തൽമണ്ണ: കുടുംബശ്രീ വാശിയേറിയ തെരഞ്ഞെടുപ്പ് ചൂടിലേക്ക്. ആറ് ഘട്ടങ്ങളിലായി നടക്കുന്ന തെരഞ്ഞെടുപ്പ് നടപടിക്രമങ്ങളുടെ ഒന്നാംഘട്ടം ഇന്നലെ ആരംഭിച്ചു. ഫെബ്രുവരി 21ന് കമ്മ്യൂണിറ്റി ഡെവലപ്മെന്റ് സൊസൈറ്റി (സി.ഡി.എസ്) ഭാരവാഹികൾ സ്ഥാനം ഏൽക്കുന്നതോടെയാണ് ആറുഘട്ട തെരഞ്ഞെടുപ്പ് പ്രക്രിയ പൂർത്തിയാകുന്നത്. 43 ലക്ഷം കുടുംബങ്ങൾ അംഗമായ 2.65 ലക്ഷം അയൽക്കൂട്ടങ്ങൾ, വാർഡുതലത്തിൽ 19,773 ഏരിയാ ഡെവലപ്മെന്റ് സൊസൈറ്റികൾ (എ.ഡി.എസ്), ഗ്രാമപഞ്ചാഞ്ഞ് തലത്തിൽ 1072 കമ്മ്യൂണിറ്റി ഡെവലപ്മെന്റ് സൊസൈറ്റികൾ (സി.ഡി.എസ് ) എന്നിവിടങ്ങളിലാണ് തെരഞ്ഞെടുപ്പ് നടക്കുക.

ALSO READ: തദ്ദേശ തെരഞ്ഞെടുപ്പില്‍ മലപ്പുറത്തും കാസര്‍ഗോഡും ജയിച്ച സ്ഥാനാര്‍ഥികളുടെ പേര് നോക്കിയാല്‍ അറിയാം വര്‍ഗീയ ധ്രുവീകരണം; വിവാദ പരാമര്‍ശവുമായി മന്ത്രി സജി ചെറിയാന്‍ 

ജനുവരി 20 വരെ അയൽക്കൂട്ടങ്ങളിൽ അധ്യക്ഷയെ കണ്ടെത്തുന്നതാണ് തെരഞ്ഞെടുപ്പ് പ്രക്രിയയുടെ ഒന്നാംഘട്ടം. ഫെബ്രുവരി ഏഴ് മുതൽ 11 വരെ വാർഡുകളിൽ എ.ഡി.എസ് തെരഞ്ഞെടുപ്പ് നടത്തും. ചെയർപേഴ്സൺ, വൈസ് ചെയർപേഴ്സൺ, സെക്രട്ടറി അടക്കം 11 പേരെയാണ് കണ്ടെത്തേണ്ടത്. തുടർന്ന് വാർഡുതല എ.ഡി.എസ് പ്രതിനിധികൾ ഫെബ്രുവരി 20ന് യോഗം ചേർന്ന് അതാത് ഗ്രാമ പഞ്ചായത്ത് തലത്തിൽ സി.ഡി.എസ് അധ്യക്ഷന്മാരെയും ഉപസമിതി അംഗങ്ങളെയും തെരഞ്ഞെടുക്കും. സി.ഡി.എസുകളുടെ അധികാരം കൈയടക്കാൻ തന്ത്രങ്ങൾ മെനയുകയാണ് വിവിധ രാഷ്ട്രീയപാർട്ടികൾ.

kudumbashree’s six-phase elections began yesterday and will conclude on february 21 with cds officials taking office.