റിയാദ്: 2026 സാമ്പത്തിക വർഷത്തേക്കുള്ള പൊതു ബഡ്ജറ്റ് ഇന്ന് (ചൊവ്വാഴ്ച) സഊദി അറേബ്യ പ്രഖ്യാപിക്കും. രാജ്യത്തിന്റെ പൊതു ബഡ്ജറ്റിനായുള്ള സഊദി മന്ത്രിസഭയുടെ പ്രതിവാര യോഗം ഇന്ന് ചേരുമെന്ന് സഊദി പ്രസ് ഏജൻസി റിപ്പോർട്ട് ചെയ്തു.

2026 സാമ്പത്തിക വർഷത്തേക്കുള്ള ബഡ്ജറ്റിന് മുന്നോടിയായി ധനകാര്യ മന്ത്രാലയം സെപ്റ്റംബർ 30-ന് ഒരു പ്രീ-ബജറ്റ് സ്റ്റേറ്റ്‌മെന്റ് പുറത്തിറക്കിയിരുന്നു. ഇതിൽ പറയുന്നത് പ്രകാരം, 2026ൽ മൊത്തം ചെലവ് ഏകദേശം 1,313 ബില്യൺ സഊദി റിയാൽ (SR) ആയി കണക്കാക്കുന്നു. അതേസമയം, വരുമാനം 1,147 ബില്യൺ സഊദി റിയാൽ ആണ്. ഇത് മൊത്ത ആഭ്യന്തര ഉത്പാദനത്തിന്റെ (GDP) 3.3ശതമാനം കമ്മിയായിരിക്കും (Deficit). 

അതേസമയം, 2026-ൽ രാജ്യത്തിന്റെ മൊത്ത ആഭ്യന്തര ഉത്പാദനത്തിൽ (GDP) ഏകദേശം 4.6ശതമാനം വളർച്ചയുണ്ടാകുമെന്നാണ് പ്രതീക്ഷിക്കുന്നത്. എണ്ണ ഇതര മേഖലകളിലെ വളർച്ചയാണ് ഇതിന് പ്രധാന കാരണം.

ALSO READ: വാഹനങ്ങൾ ഉപയോഗിച്ച് ഏറ്റവും വലിയ ആശംസാ വാചകം; ഗിന്നസ് റെക്കോർഡ് നേടി അജ്മാൻ

2028 വരെയുള്ള പ്രാഥമിക കണക്കുകൾ:

2026ലെ മൊത്തം വരുമാനമായ 1,147 ബില്യൺ സഊദി റിയാലിൽ നിന്ന് 2028-ൽ ഏകദേശം 1,294 ബില്യൺ സഊദി റിയാൽ ആയി ഉയരാൻ സാധ്യതയുണ്ട്.

2026ലെ മൊത്തം ചെലവ് 1,313 ബില്യൺ സഊദി റിയാൽ ആണ്. ഇത്, 2028-ൽ ഏകദേശം 1,419 ബില്യൺ സഊദി റിയാൽ ആയി വർധിക്കാനും സാധ്യതയുണ്ട്.

വിഷൻ 2030 ലക്ഷ്യങ്ങൾക്കും രാജ്യത്തിന്റെ സമ്പദ്‌വ്യവസ്ഥയെ വൈവിധ്യവത്കരിക്കാനുള്ള ശ്രമങ്ങൾക്കും അനുസൃതമായി, സാമൂഹികവും സാമ്പത്തികവുമായ സ്വാധീനമുള്ള ദേശീയ മുൻഗണനകളിൽ ശ്രദ്ധ കേന്ദ്രീകരിച്ചുകൊണ്ട് സർക്കാർ വിപുലമായ ചെലവ് രീതി (Expansionary Spending) തുടരുമെന്നും മന്ത്രാലയം സ്ഥിരീകരിച്ചു.

Saudi Arabia is set to announce its 2026 budget today, outlining its economic direction and priorities for the fiscal year. The budget is expected to reflect the kingdom's commitment to diversifying its economy and achieving Vision 2030 goals, with a focus on infrastructure development, education, healthcare, and tourism.