സ്പാനിഷ് വമ്പന്മാരായ ബാഴ്‌സലോണയിൽ കളിക്കാൻ എത്തിയ സമയങ്ങളിലെ ഒരു അനുഭവം പങ്കുവെച്ചിരിക്കുകയാണ് ഖാന താരം കെവിൻ പ്രിൻസ് ബോട്ടെങ്. ബാഴ്‌സലോണയിൽ എത്തിയപ്പോൾ ലയണൽ മെസിയാണ് മികച്ച താരമെന്ന് തനിക്ക് കള്ളം പറയേണ്ടി വന്നെന്നാണ് ഖാന താരം വെളിപ്പെടുത്തിയത്. ക്രിസ്റ്റ്യാനോ റൊണാൾഡോയെയും റയൽ മാഡ്രിഡിനെയും താൻ വളരെയധികം ആരാധിച്ചിരുന്നുവെന്നും എന്നാൽ ബാഴ്സയിൽ എത്തിയപ്പോൾ മെസിയാണ് മികച്ച താരമെന്ന് പറയാൻ താൻ നിർബന്ധിതനായെന്നുമാണ് കെവിൻ പ്രിൻസ് ബോട്ടെങ് പറഞ്ഞത്. ജോഷ് മൻസൂറിന്റെ അൺസ്ക്രിപ്റ്റഡ് എന്ന പോഡ്‌കാസ്റ്റിൽ സംസാരിക്കുകയായിരുന്നു മുൻ ബാഴ്സ താരം. 

''പത്ര സമ്മേളനത്തിൽ എനിക്ക് കള്ളം പറയേണ്ടി വന്നു. കാരണം രണ്ട് വർഷം മുമ്പ് ഞാൻ ലാസ് പാൽമാസിൽ കളിക്കുമ്പോൾ ലോകത്തിലെ ഏറ്റവും മികച്ച താരം ആരാണെന്ന് ചോദിച്ചിരുന്നു. അപ്പോൾ ഞാൻ ക്രിസ്റ്റ്യാനോ റൊണാൾഡോ എന്നാണ് ഞാൻ പറഞ്ഞത്. എന്റെ പ്രിയപ്പെട്ട ടീം റയൽ മാഡ്രിഡ് ആണെന്ന് ഞാൻ പറഞ്ഞു. ബാഴ്‌സലോണയിൽ സൈൻ ചെയ്യേണ്ട സമയം അവർ എന്നോട് പ്രിയ ടീം ബാഴ്സലോണയാണെന്നും ലോകത്തിലെ ഏറ്റവും മികച്ച താരം ലയണൽ മെസി ആണെന്നും പറയാൻ പറഞ്ഞു. ഇത് പറഞ്ഞില്ലെങ്കിൽ നിങ്ങൾക്ക് ഇവിടെ കളിക്കാൻ കഴിയില്ലെന്ന് അവർ എന്നോട് പറഞ്ഞു. മറ്റുളള താരങ്ങൾക്കും ഈ അനുഭവം ഉണ്ടായെന്ന് എനിക്കറിയാം. അതിനായി പത്രസമ്മേളനത്തിൽ മെസിയാണ് മികച്ച താരമെന്ന് ഞാൻ കള്ളം പറഞ്ഞു. ബാഴ്‌സലോണയ്ക്ക് വേണ്ടി കളിക്കാൻ ആഗ്രഹിച്ചതിനാൽ എനിക്കത് പറയേണ്ടി വന്നു'' കെവിൻ പ്രിൻസ് ബോട്ടെങ് പറഞ്ഞു. 

2018-19 സീസണിന്റെ പകുതിയിലാണ് കെവിൻ പ്രിൻസ് ബോട്ടെങ് ബാഴ്സയിൽ എത്തിയത്. ലോണിൽ ടീമിലെത്തിയ താരം വെറും ആറ് മാസമാണ് ബാഴ്‌സലോണയിൽ കളിച്ചത്. ലയണൽ മെസിക്കൊപ്പം ഒരു മത്സരത്തിൽ മാത്രമാണ് കെവിൻ പ്രിൻസ് ബോട്ടെങിന് ഒരുമിച്ച് കളിക്കാനായത്. ൽ കാലാവധി അവസാനിച്ചതിനാൽ താരം ബാഴ്സലോണ വിടുകയായിരുന്നു. 

Ghanaian player Kevin-Prince Boateng has shared an experience he had when he arrived to play for Spanish giants Barcelona. The Ghanaian player revealed that he had to lie that Lionel Messi was the best player when he arrived at Barcelona.