റിയാദ്: അടുത്ത സാമ്പത്തിക വര്‍ഷത്തേക്കുള്ള ബജറ്റ് സൗദി അറേബ്യ അംഗീകരിച്ചു. 1,312.8 ബില്യണ്‍ റിയാല്‍ ചെലവും 1,147.4 ബില്യണ്‍ റിയാല്‍ വരവും 165.4 ബില്യണ്‍ റിയാല്‍ കമ്മിയുമുള്ള ബജറ്റിന് കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരന്റെ അധ്യക്ഷതയില്‍ ദമ്മാമില്‍ ചേര്‍ന്ന മന്ത്രിസഭാ യോഗമാണ് അംഗീകാരം നല്‍കിയത്. പൗരന്മാരുടെ ക്ഷേമത്തിനാണ് സര്‍ക്കാര്‍ ഏറ്റവും വലിയ മുന്‍ഗണന നല്‍കുന്നതെന്ന് പുതിയ ബജറ്റ് വ്യക്താക്കുന്നതായി കിരീടാവകാശി യോഗത്തില്‍ പറഞ്ഞു. വിഷന്‍ 2030 ആരംഭിച്ചശേഷം രാജ്യം കൈവരിച്ച ഘടനാപരമായ പരിവര്‍ത്തനം എണ്ണ ഇതര മേഖലകളില്‍നിന്നുള്ള വളര്‍ച്ചാ നിരക്ക് മെച്ചപ്പെടുത്താനും ആഗോള ശരാശരിയേക്കാള്‍ താഴ്ന്ന നിലവാരത്തില്‍ പണപ്പെരുപ്പം നിലനിര്‍ത്താനും രാജ്യത്ത് വ്യവസായ സൗഹൃദ അന്തരീക്ഷം വികസിപ്പിക്കാനും സാധിച്ചതായി അദ്ദേഹം പറഞ്ഞു.

സൗദി സമ്പദ് വ്യവസ്ഥ കൈവരിച്ച തുടര്‍ച്ചയായ പോസിറ്റീവ് സൂചകങ്ങളെ പ്രശംസിച്ച കിരീടാവകാശി, രാജ്യത്തെ ആകെ ആഭ്യന്തര ഉല്‍പാദനത്തില്‍ 4.6 ശതമാനം വളര്‍ച്ചാ നിരക്ക് രേഖപ്പെടുത്തിതായി അറിയിച്ചു. എണ്ണ ഇതര മേഖലകളിലെ മുന്നേറ്റമാണ് ഇതിന് സഹായിച്ചതെന്നും സാമ്പത്തിക വളര്‍ച്ചയെ നയിക്കുന്നതില്‍ മറ്റ് മേഖലകള്‍ നിര്‍ണായക പങ്ക് തുടരുന്നകതായും പെട്രോളിതര മേഖല 4.8 ശതമാനം വളര്‍ച്ച കൈവരിച്ചതായും കിരീടാവകാശി കൂട്ടിച്ചേര്‍ത്തു.

2026ല്‍ രാജ്യം 4.6 ശതമാനത്തിന്റെ സാമ്പത്തിക വളര്‍ച്ച കൈവരിക്കുമെന്നും ജിഡിപിയുടെ 3.3 ശതമാനം ബജറ്റ് കുറവായിരിക്കുമെന്നും ധനമന്ത്രാലയം അറിയിച്ചു. പൊതു കടം 1.622 ട്രില്യണ്‍ റിയാലായി (ഏകദേശം 432 ബില്യണ്‍ ഡോളര്‍), അതായത് ജിഡിപിയുടെ 32.7 ശതമാനമായി ഉയരുമെന്നും മന്ത്രാലയം കൂട്ടിച്ചേര്‍ത്തു.

ALSO READ: ഒന്നുമല്ലാതിരുന്ന മരുപ്രദേശം ലോകത്തിന്റെ വാണിജ്യതലസ്ഥാനമായി മാറിയ ചരിത്രം; ദേശീയദിനം ആഘോഷിച്ച് യുഎഇ | 54th UAE national day

Saudi Arabia’s cabinet on Tuesday approved the Kingdom’s budget for 2026 with total expenditures amounting to 1.313 trillion riyals ($350 billion), the Saudi Press Agency reported. Public revenues are estimated at about 1.147 trillion riyals ($306 billion), and the projected deficit stands at approximately 165 billion riyals ($44 billion).