തിരുവനന്തപുരം: സംസ്ഥാനത്തെ 62 ലക്ഷത്തോളം വരുന്ന ക്ഷേമ പെൻഷൻ ഗുണഭോക്താക്കൾക്ക് ആശ്വാസമായി, ക്രിസ്മസ്-പുതുവത്സര ആഘോഷങ്ങൾ പ്രമാണിച്ച് ഡിസംബറിലെ പെൻഷൻ വിതരണം ഈ മാസം 15 മുതൽ ആരംഭിക്കും. സാമൂഹ്യസുരക്ഷാ പെൻഷനുകളും ക്ഷേമനിധി പെൻഷനുകളും വർധിപ്പിച്ച 2000 രൂപ നിരക്കിലാണ് ഗുണഭോക്താക്കൾക്ക് കൈമാറുന്നത്.

ഇതിനായി ധനകാര്യ വകുപ്പ് 1045 കോടി രൂപ അനുവദിച്ചതായി ധനകാര്യ മന്ത്രി കെ.എൻ. ബാലഗോപാൽ അറിയിച്ചു.
62 ലക്ഷത്തോളം പേർക്കാണ് ഇത്തവണ പെൻഷൻ ലഭിക്കുക. ഓരോ ഗുണഭോക്താവിനും 2000 രൂപ വീതം. 26.62 ലക്ഷം പേരുടെ പെൻഷൻ തുക ബാങ്ക് അക്കൗണ്ടുകളിലേക്ക് നേരിട്ട് എത്തും. ശേഷിക്കുന്നവർക്ക് സഹകരണ ബാങ്കുകൾ മുഖേന വീടുകളിൽ എത്തിച്ചുനൽകും.

ALSO READ: പിവിസി ഫ്ലെക്‌സുകൾ വേണ്ട; ഇനി കോട്ടൺ മാത്രം: ഹരിതചട്ടം കർശനമാക്കി തെരഞ്ഞെടുപ്പ് കമ്മിഷൻ; പൊതുജനങ്ങൾക്ക് പരാതി നൽകാം

കൂടാതെ, കേന്ദ്ര വിഹിതമായി ലഭിക്കാനുള്ള 8.46 ലക്ഷം പേർക്കുള്ള തുകയും സംസ്ഥാന സർക്കാർ മുൻകൂറായി അനുവദിച്ചിട്ടുണ്ട്. സാമ്പത്തിക ബുദ്ധിമുട്ടുകൾക്കിടയിലും പെൻഷൻ വിതരണം വേഗത്തിലാക്കുന്നത് ക്രിസ്മസ്-പുതുവത്സര കാലത്ത് ജനങ്ങൾക്ക് വലിയ ആശ്വാസമാകും.

In anticipation of Christmas and New Year celebrations, the Kerala government has announced that the distribution of the December welfare pension will commence on December 15. Nearly 62 lakh beneficiaries of social security and welfare fund pensions will receive the increased amount of ₹2,000 each. Finance Minister K.N. Balagopal has sanctioned ₹1,045 crore for the immediate disbursal. The amount will be credited directly to the bank accounts of over 26 lakh people, while the rest will receive the payment at their homes via cooperative banks.