കുന്നംകുളം: കളര്‍ഡ്രസ്സ് ധരിച്ചെത്തിയതിനെ തുടര്‍ന്ന് വിദ്യാര്‍ഥികളെ പ്രിന്‍സിപ്പല്‍ ഓണാഘോഷ പരിപാടികളില്‍ നിന്ന് വിലക്കി. ഗവ. പോളിടെക്‌നിക്ക് കോളജില്‍ ഓണാഘോഷ പരിപാടിയില്‍ പങ്കെടുക്കാനെത്തിയ വിദ്യാര്‍ഥികളെ കോളജ് കോംപൗണ്ടില്‍ നിന്ന് പുറത്താക്കിയെന്ന് ആക്ഷേപം. ഓണഘോഷത്തിനെത്തുന്ന വിദ്യാര്‍ഥികള്‍ കളര്‍ഡ്രസ്സ് ഒഴിവാക്കണമെന്നും നിര്‍ബന്ധമായും യൂനിഫോം ധരിച്ചെത്തണമെന്ന് മുന്‍കൂട്ടി നിര്‍ദേശം നല്‍കിയിരുന്നതായി പ്രിന്‍സിപ്പല്‍ കെ.എം ഷീബ പറയുന്നു. ഇന്നലെ കോളജ് യൂനിയന്റെ ആഭിമുഖ്യത്തില്‍ സംഘടിപ്പിച്ച ഓണാഘോഷ പരിപാടിയില്‍ പങ്കെടുക്കാനെത്തിയ വിദ്യാര്‍ഥികള്‍ കളര്‍ ഡ്രസ്സ് ധരിച്ചെത്തിയതിനെ തുടര്‍ന്നാണ് കോളജ് പ്രിന്‍സിപ്പാളിന്റെ നിര്‍ദേശ പ്രകാരം കോംപൗണ്ടില്‍ നിന്ന് പുറത്താക്കിയത്. അധികൃതരുടെ നടപടിയില്‍ പ്രതിഷേധിച്ച് വിദ്യാര്‍ഥികള്‍ കോളജ് കവാടത്തിനു പുറത്ത് ഓണാഘോഷം നടത്തി.