ഇരിട്ടി: പഴയ ബസ്റ്റാന്റിന് സമീപം മരത്തിനകത്ത് കൂടി വൈദ്യുതിലൈന്‍ കടന്നുപോയിട്ടും വൈദുതിവകുപ്പും നഗരസഭ അധികൃതരും കണ്ടണ്ടില്ലെന്ന് നടിക്കുന്നു. വൈദ്യുത ലൈന്‍ മരത്തിന്റെ ശിഖരത്തില്‍ തട്ടി സമീപത്തെ ചില കടകളിലെ  ബോര്‍ഡുകളില്‍ വൈദ്യുതി പ്രവഹിച്ചതിനാല്‍ കഴിഞ്ഞ ദിവസം ഒരാള്‍ക്ക് വൈദ്യുതാഘാതമേറ്റിരുന്നു. മഴ പെയ്യുമ്പോഴും കാറ്റടിക്കുമ്പോഴും വൈദ്യുതി ലൈന്‍ മരത്തിന്റെ ശിഖരത്തില്‍ കൂടിയിടിച്ച് തീ പാറുകയും വൈദ്യുതി മുടങ്ങുകയും ചെയ്യുന്നതും പതിവായിട്ടുണ്ട്. ഉളിക്കല്‍, കൂട്ടുപുഴ, എടൂര്‍ ഭാഗത്തു നിന്നു ഇരിട്ടിയിലേക്ക് വരുന്ന ബസുകള്‍ ഈ ഭാഗത്താണ് നിറുത്തുന്നത്. മരത്തിന്റെ ശിഖരം മുറിച്ചു നീക്കിയില്ലെങ്കില്‍ വന്‍ ദുരന്തം ഉണ്ടണ്ടാകുമെന്ന പേടിയിലാണ് നാട്ടുകാര്‍.