കണ്ണൂർ: സമസ്ത സ്വീകരിച്ച നിലപാടുകളും ആശയങ്ങളും സമൂഹത്തിലെ എല്ലാ വിശ്വാസികൾക്കും ഉൾക്കൊള്ളാൻ കഴിയുന്നതാണെന്ന് മന്ത്രി കടന്നപ്പള്ളി രാമചന്ദ്രൻ പറഞ്ഞു. സമസ്ത ശതാബ്ദി സന്ദേശ യാത്രയ്ക്ക് കണ്ണൂരിൽ നൽകിയ സ്വീകരണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

രാജ്യത്ത് സുരക്ഷിതത്വം നഷ്ടപ്പെടുന്ന കാലത്ത് സമസ്തയുടെ ചിന്താധാരകൾ സമൂഹത്തിന് ഏറെ ഗുണം ചെയ്യുന്നു. മതേതരത്വത്തിന്റെ മഹനീയത വിളിച്ചോതുന്നതാണ് സമസ്തയുടെ സന്ദേശങ്ങൾ. രാജ്യത്ത് എല്ലാ ജനവിഭാഗങ്ങൾക്കും സ്വൈരമായി ജീവിക്കാനുള്ള സ്‌നേഹമാണ് സമസ്ത പങ്കുവയ്ക്കുന്നത്. മനുഷ്യനെ മനുഷ്യനായി കാണാൻ ആഗ്രഹിക്കുന്ന മതബോധമാണ് സമസ്തയ്ക്ക് വിശ്വസം. മതേതതത്വം എല്ലാവരുടേയുമാണെന്നും മന്ത്രി പറഞ്ഞു.