കൊച്ചി: മെഡിക്കല്‍ പ്രൊഫഷണലുകള്‍ക്ക് മാത്രമല്ല, ഫിസിയോതെറാപ്പിസ്റ്റുകള്‍ക്കും ഒക്യുപേഷണല്‍ തെറാപ്പിസ്റ്റുകള്‍ക്കും അവരുടെ പേരിന് മുമ്പ് ‘ഡോ.’ എന്ന പ്രിഫിക്‌സ് ഉപയോഗിക്കാന്‍ അര്‍ഹതയുണ്ടെന്ന് വിധിച്ച സിംഗിള്‍ ബെഞ്ചിന്റെ ഉത്തരവിനെതിരേയുള്ള അപ്പീലുകള്‍ അടുത്ത തിങ്കളാഴ്ച പരിഗണിക്കാനായി ഹൈക്കോടതി മാറ്റി. ഇന്ത്യന്‍ മെഡിക്കല്‍ അസോസിയേഷന്‍ (ഐ.എം.എ) ഉള്‍പ്പെടെയുള്ളവര്‍ സമര്‍പ്പിച്ച അപ്പീലുകള്‍ പരിഗണിക്കുന്നതിനിടെയാണ് ജസ്റ്റിസുമാരായ സുശ്രുത് അരവിന്ദ് ധര്‍മ്മാധികാരി, പി .വി ബാലകൃഷ്ണന്‍ എന്നിവരടങ്ങുന്ന ബെഞ്ചിന്റെ തീരുമാനം.

ALSO READ: 'ജിഹാദ്' പ്രയോഗത്തിന് നിയന്ത്രണം; വാർത്താ ചാനലുകൾക്ക് പുതിയ മാർഗരേഖയുമായി എൻ.ബി.ഡി.എസ്.എ; സീ ന്യൂസ്, ന്യൂസ് 18 ഉൾപ്പെടെയുള്ള ചാനലുകൾക്ക് താക്കീത്

നാഷണല്‍ മെഡിക്കല്‍ കമ്മിഷനോ (എന്‍.എം.സി) അനുബന്ധ നിയമങ്ങളോ യോഗ്യതയുള്ള മെഡിക്കല്‍ പ്രൊഫഷനലുകള്‍ക്ക് ‘ഡോ.’ എന്ന പ്രിഫിക്‌സ് പ്രത്യേകമായി ഉപയോഗിക്കാന്‍ വ്യവസ്ഥ ചെയ്യുന്നില്ലെന്ന് നിരീക്ഷിച്ച് സിംഗിള്‍ ബെഞ്ച് നേരത്തെ ഹരജികള്‍ തള്ളിയിരുന്നു. മെഡിക്കല്‍ പ്രാക്ടീഷനര്‍മാര്‍ക്ക് ‘ഡോക്ടര്‍‘ എന്ന പദവി നല്‍കുന്ന ഒരു വ്യവസ്ഥയും എന്‍.എം.സി നിയമത്തില്‍ അടങ്ങിയിട്ടില്ലെന്നും അത്തരം നിയമപരമായ വ്യവസ്ഥകളുടെ അഭാവത്തില്‍, ‘ഡോ.’ എന്ന പ്രിഫിക്‌സ് ഉപയോഗിക്കാനുള്ള പ്രത്യേക അവകാശം ഹരജിക്കാര്‍ക്ക് അവകാശപ്പെടാന്‍ കഴിയില്ലെന്നും സിംഗിള്‍ ബെഞ്ച് ചൂണ്ടിക്കാട്ടിയിരുന്നു.

The Kerala High Court has deferred the appeal against the single bench verdict allowing physiotherapists and occupational therapists to use the 'Dr' prefix, to next Monday.