തിരുനാവായ: സ്‌റ്റേറ്റ് എലിജിബിലിറ്റി ടെസ്‌റ്റ് (സെറ്റ്) പരീക്ഷയ്ക്ക് മുമ്പ് പി.എസ്‌.സിയുടെ ഹയർ സെക്കൻഡറി സ്‌കൂൾ ടീച്ചർ (എച്ച്.എസ്.എസ്.ടി) തസ്‌തികകളിലേക്ക് അപേക്ഷിക്കാനുള്ള സമയം അവസാനിക്കുന്നത് ഉദ്യോഗാർഥികളുടെ അവസരം നഷ്ടമാക്കും. 

സംസ്കൃതം, ഇംഗ്ലിഷ്, കന്നഡ, സോഷ്യോളജി, സ്‌റ്റാറ്റിസ്റ്റിക്സ്, പൊളിറ്റിക്സ്, ഇകണോമിക്‌സ്, ബോട്ടണി, സുവോളജി, ജ്യോഗ്രഫി, കെമിസ്ട്രി, മാത്സ്, ഫിസിക്സ്, ജേണലിസം, ഹോം സയൻസ് എന്നിവ ഉൾപ്പെടെ 17 വിഷയങ്ങളിൽ ഹയർ സെക്കൻഡറി അധ്യാപക നിയമനത്തിനാണ് ഡിസംബർ 30, 31 തീയതികളിലെ ഗസറ്റിൽ പി.എസ്‌.സി വിജ്ഞാപനം പ്രസിദ്ധീകരിച്ചത്. അടുത്ത മാസം നാലിനാണ് അപേക്ഷിക്കാനുള്ള അവസാന തീയതി. എന്നാൽ ഇതും കഴിഞ്ഞ് ഫെബ്രുവരി 22നാണ് സെറ്റ് പരീക്ഷ നടക്കുന്നത്. ഇതിന്റെ ഫലം മാർച്ചിലാണ്  പ്രസിദ്ധീകരിക്കുക. നടക്കാനിരിക്കുന്ന സെറ്റ് പരീക്ഷ എഴുതുന്നവർക്ക് കുടി  അപേക്ഷിക്കാൻ കഴിയും വിധം എച്ച്.എസ്.എസ്.ടി‌ വിജ്ഞാപനം പുനക്രമീകരിച്ചാൽ പുതുതായി സെറ്റ് കിട്ടുന്നവർക്കുകൂടി അപേക്ഷിക്കാനാകും. 

ALSO READ: സിയുഇടി- യുജി 2026; രജിസ്‌ട്രേഷന്‍ ആരംഭിച്ചു; അവസാന തീയതി ജനുവരി 30