അടൂര്‍: വീടുപണിക്കു വേണ്ടി സൂക്ഷിച്ചിരുന്ന ജനല്‍കട്ടിള ദേഹത്ത് വീണ് ഒന്നാം ക്ലാസ് വിദ്യാര്‍ഥി മരിച്ചു. അടൂര്‍ ഏഴംകുളം അറുകാലിക്കല്‍ വെസ്റ്റ് ചരുവിള പുത്തന്‍വീട്ടില്‍ തനൂജ് കുമാറിന്റേയും ആര്യയുടേയും മകന്‍ ദ്രുപത് തനൂജ്(7) ആണ് മരിച്ചത്. ഓമല്ലൂര്‍ കെവിയിലെ ഒന്നാം ക്ലാസ് വിദ്യാര്‍ഥിയായിരുന്നു. 

ഇന്ന് രാവിലെ 10-നായിരുന്നു അപകടം. വീടുപണിക്കു വേണ്ടി സൂക്ഷിച്ചിരുന്ന ജനല്‍ കട്ടള അബദ്ധത്തില്‍ ദ്രുപതിന്റെ ശരീരത്തിലേക്ക് വീഴുകയായിരുന്നു. കുട്ടിക്ക് തലയ്ക്കാണ് പരുക്കേറ്റത്. അടൂരിലെ സ്വകാര്യ ആശുപത്രയില്‍ എത്തിച്ചെങ്കിലും മരിച്ചു. 

ദ്രുപതിന്റെ പിതാവ് അടൂര്‍ ബൈപ്പാസില്‍ സ്‌കൈലൈന്‍ എന്ന പേരില്‍ അലുമിനിയം സ്റ്റീല്‍ വര്‍ക്കുകളുടെ ബിസിനസ് നടത്തുന്ന സ്ഥാപനത്തിന്റെ ഉടമയാണ്.

A tragic accident claimed the life of a seven-year-old boy after a window frame kept for house construction fell on him at Adoor in Pathanamthitta district. The deceased has been identified as Drupath Tanuj (7), son of Tanuj Kumar and Arya, residents of Arukalikkal West, Ezhamkulam. He was a Class 1 student of Omalloor Kendriya Vidyalaya.