കൊച്ചി: വൈപ്പിനിലെ ഹോട്ടലില്‍ പൊറോട്ടയ്ക്കൊപ്പം സൗജന്യ ഗ്രേവി നല്‍കാത്തതിനെ ചൊല്ലിയുണ്ടായ സംഘര്‍ഷത്തില്‍ ഹോട്ടല്‍ ഉടമയ്ക്കും ഭാര്യക്കും പരുക്ക്. എടവനക്കാട് അണിയല്‍ മാര്‍ക്കറ്റില്‍ ഹോട്ടല്‍ നടത്തുന്ന സുബൈര്‍, ഭാര്യ ജുമൈലത്ത് എന്നിവര്‍ക്കാണ് പരുക്കേറ്റത്. ഇരുവരുടേയും പരാതിയില്‍ പൊലിസ് കേസെടുത്തു. 

ഞായറാഴ്ച വൈകിട്ട് ഏഴു മണിയോടയാണ് സംഭവം. ഹോട്ടലില്‍ നിന്നു പൊറോട്ട വാങ്ങിയ  ജിബി എന്ന യുവാവ് ഗ്രേവി ആവശ്യപ്പെട്ടു. എന്നാല്‍ ഗ്രേവിക്ക് 20 രൂപ നല്‍കണമെന്ന് ജുമൈലത്ത് പറഞ്ഞതോടെയാണ് തര്‍ക്കം ആരംഭിച്ചത്. പിന്നാലെ കഴിഞ്ഞ ദിവസം തന്ന പൊറോട്ട പഴകിയതാണെന്നു കൂടി യുവാവ് ആരോപിച്ചതോടെ തര്‍ക്കം മുറുകി. ഒടുവില്‍ തര്‍ക്കം അടിപിടിയില്‍ കലാശിക്കുകയായിരുന്നു. പിന്നാലെ ഹോട്ടല്‍ ഉടമകള്‍ ആശുപത്രിയില്‍ ചികിത്സ തേടുകയും പരാതി നല്‍കുകയുമായിരുന്നു. 

A dispute over not providing free gravy with porotta turned violent at a hotel in Vypin, Kochi, leaving the hotel owner and his wife injured. The incident took place at a hotel in the Aniyal Market area of Edavanakkad, where Subair and his wife Jumailath run the establishment.