ഗസ്സ: ഗസ്സയില്‍ കൊടുംശൈത്യത്തെ നേരിടാന്‍ വിറകുകൊള്ളികള്‍ ശേഖരിക്കാന്‍ പോയ കുട്ടികളെ ഇസ്‌റാഈല്‍ ഡ്രോണ്‍ കൊലപ്പെടുത്തി. രണ്ടു കുട്ടികളാണ് വടക്കന്‍ ഗസ്സയില്‍ കൊല്ലപ്പെട്ടത്. കമല്‍ അദ്‌വാന്‍ ആശുപത്രിക്ക് സമീപം വിറകു ശേഖരിക്കുന്ന കുട്ടികള്‍ക്കു നേരെ ഡ്രോണ്‍ ആക്രമണം നടത്തുകയായിരുന്നു. ഗസ്സയില്‍ ഇന്ധനത്തിനും കടുത്ത ക്ഷാമം നേരിടുന്നുണ്ട്.

രാത്രി താപനില 10 ഡിഗ്രി സെല്‍ഷ്യസാണ്. മഴയെയും ശൈത്യക്കാറ്റിനെയും പ്രതിരോധിക്കാന്‍ പര്യാപ്തമായ ടെന്റുകളോ മറ്റോ ഗസ്സയിലില്ല. പ്ലാസ്റ്റിക് ഷീറ്റുകളും മറ്റും വലിച്ചുകെട്ടിയാണ് ഇവര്‍ കഴിയുന്നത്. 
ഗസ്സയിലേക്ക് അവശ്യ വസ്തുക്കള്‍ എത്തിക്കുന്നത് ഇസ്‌റാഈല്‍ ഇപ്പോഴും തടയുന്നുമുണ്ട്. ഇതുവരെ 481 പേരാണ് വെടിനിര്‍ത്തലിന് ശേഷം ഇസ്‌റാഈല്‍ ആക്രമണത്തില്‍ കൊല്ലപ്പെട്ടത്. 1,206 പേര്‍ക്ക് പരുക്കേറ്റിട്ടുമുണ്ട്.