തിരുവനന്തപുരം: ഉദ്യോഗസ്ഥരുടെ കൂട്ടസ്ഥലംമാറ്റത്തിൽ തിരുവനന്തപുരം ജില്ലാ കലക്ടറോടും തഹസിൽദാരോടും തെരഞ്ഞെടുപ്പ് കമ്മിഷൻ വിശദീകരണം തേടി. മാതൃകാ പെരുമാറ്റച്ചട്ടം ലംഘിച്ച് റവന്യുവകുപ്പിൽ കൂട്ട സ്ഥലംമാറ്റം നടന്നുവെന്ന പരാതിയെ തുടർന്നാണിത്. കലക്ടറും തഹസിൽദാരുമാണ് സ്ഥലം മാറ്റ ഉത്തരവുകൾ ഇറക്കിയത്. തിരുവനന്തപുരം തഹസിൽദാർ സീനിയർ ക്ലാർക്കുമാരടക്കം 18 പേരെയാണ് വില്ലേജ് താലൂക്ക് ഓഫിസുകളിലേക്കാണ് സ്ഥ ലംമാറ്റിയത്. പതിമ്മൂന്നാം തീയതി വച്ചാണ് ഉത്തരവ് ഇറങ്ങിയി ട്ടുള്ളത്. കേന്ദ്ര തെരഞ്ഞെടുപ്പ് കമ്മിഷൻ ഉത്തരവ് അവഗണി ച്ചാണ് ഭരണാനുകൂല സംഘട നാ ഭാരവാഹികളെ അടിയന്തര മായി സ്ഥലംമാറ്റിയതെന്നാണ് ആരോപണം. ഇ-ഓഫിസ് ഫയൽ നടപടിക്രമം പാലിക്കുന്ന ജില്ലാ കലക്ടറുടെയും തഹസിൽദാരുടെയും കാര്യാലയത്തിലും ഇത് മറികടന്നാണ് ഉത്തരവ് ഇറക്കിയതെന്നാണ് പരാതി.