നിലമ്പൂര്‍: ബ്ലോക്ക് പഞ്ചായത്തും പഞ്ചായത്തുകളും സംയുക്തമായി നടപ്പാക്കുന്ന മാലിന്യ മുക്ത ചാലിയാര്‍ പദ്ധതിയുമായി ബന്ധപ്പെട്ട് വിദ്യാര്‍ഥികളുള്‍പ്പെടെ വിവിധ മേഖലകളിലുള്ളവരില്‍ നിന്നും ആശയങ്ങളും നിര്‍ദേശങ്ങളും സ്വീകരിക്കുന്നു.
മത്സരാടിസ്ഥാനത്തിലാണ് നിര്‍ദേശങ്ങള്‍ തേടുക. പദ്ധതിക്ക് അനുയോജ്യമായ പേര്, ലോഗോ, തീം സോങ്ങിനാവശ്യമായ വരികള്‍, മാലിന്യമായി കിടക്കുന്ന പ്രദേശങ്ങളുടെ ഫോട്ടോ, പ്രോജക്ടിനാവശ്യമായ ആശയങ്ങള്‍, മാലിന്യ നിര്‍മാര്‍ജനവുമായി ബന്ധപ്പെട്ട ചിത്ര രചനകള്‍, ഡോക്യുമെന്ററി, ടെലിഫിലിം സ്‌ക്രിപ്റ്റുകള്‍, നാടകരചന, കഥാ കവിതാ രചനകള്‍ എന്നിവയിലാണ് മത്സരങ്ങള്‍.
പദ്ധതി ചിലവുമായി ബന്ധപ്പെട്ട് ലഘുലേഖ, കൈപുസ്തകം എന്നിവ തയാറാക്കും.  ബ്ലോക്കിനു കീഴിലെ പഞ്ചായത്തുകളില്‍നിന്നും മാസ്റ്റര്‍ ട്രെയ്‌നര്‍മാരെ നിയമിക്കും. ഇതിനായി 20ന് മുന്‍പായി അതാതു പഞ്ചായത്തുകളിലെ ലിസ്റ്റുകള്‍ തയാറാക്കി നല്‍കണം.