മലപ്പുറം: തദ്ദേശ സ്വയംഭരണ സ്ഥാപനങ്ങളുമായി സഹകരിച്ച്  നിയോജക മണ്ഡലങ്ങള്‍ തോറും ജൈവകൃഷി കൂട്ടായ്മ പദ്ധതി, പകല്‍വീട്, ഔഷധ ചെടി, പരിസ്ഥിതി സംരക്ഷണ പദ്ധതി എന്നിവ  ഏറ്റെടുത്ത് നടത്താന്‍ പെന്‍ഷനേഴ്‌സ് ലീഗ് ജില്ലാ കണ്‍വെന്‍ഷന്‍ തീരുമാനിച്ചു.  ജില്ലാ പ്രസിഡന്റ് നാലകത്ത് ഹംസ അധ്യക്ഷനായി. മുസ്‌ലിം ലീഗ് ജില്ലാ ജനറല്‍ സെക്രട്ടറി കെഎന്‍എ ഖാദര്‍ ഉദ്ഘാടനം ചെയ്തു.
സെക്രട്ടറി സലീം കുരുവമ്പലം പദ്ധതി വിശദീകരിച്ചു.  പെന്‍ഷനേഴ്‌സ് ലീഗ് സംസ്ഥാന പ്രസിഡന്റ് നാനാക്കല്‍ മുഹമ്മദ്, സെക്രട്ടറി ആസാദ് വണ്ടൂര്‍, ടി. പി.മൂസക്കോയ, പി പി അലവിക്കുട്ടി മാസ്റ്റര്‍, പി ടി ഖാലിദ്, മാഞ്ചേരി അലവി കുരിക്കള്‍, കെ കെ കുഞ്ഞാലിന്‍കുട്ടി, കൊട്ടപ്പുറം കോയക്കുട്ടി, സി. അബു മാസ്റ്റര്‍  സംസാരിച്ചു.