ഇംഫാൽ: മാസങ്ങളായി തുടരുന്ന രാഷ്ട്രീയ അനിശ്ചിതത്വങ്ങൾക്കൊടുവിൽ മണിപ്പൂരിൽ പുതിയ സർക്കാർ അധികാരത്തിലേക്ക്. ബിജെപി നേതാവ് യുംനാം ഖേംചന്ദ് സിംഗിനെ നിയമസഭാ കക്ഷി നേതാവായി തെരഞ്ഞെടുത്തു. നിലവിലെ രാഷ്ട്രപതി ഭരണം ഈ മാസം അവസാനിക്കാനിരിക്കെയാണ് ബിജെപിയുടെ ഈ നിർണായക നീക്കം.

വംശീയ കലാപത്തിന്റെ പശ്ചാത്തലത്തിൽ സമാധാന ശ്രമങ്ങളുടെ ഭാഗമായി കുക്കി വിഭാഗത്തിൽ നിന്നുള്ള വനിതാ പ്രതിനിധി ഉപമുഖ്യമന്ത്രിയാകും. നാഗാ പീപ്പിൾസ് ഫ്രണ്ടിന്റെ (NPF) പ്രതിനിധിക്ക് രണ്ടാമത്തെ ഉപമുഖ്യമന്ത്രി സ്ഥാനം നൽകും.

ALSO READ: ഇന്ത്യ -യുഎസ് വ്യാപാര കരാർ: രാജ്യത്തെ കർഷകരുടെ സ്വപ്നങ്ങൾ നരേന്ദ്ര മോദി ട്രംപിന് അടിയറവ് വെച്ചു; കരാറിലെ അപകടങ്ങൾ ചൂണ്ടിക്കാട്ടി രാഹുൽ ​ഗാന്ധി

സംസ്ഥാനത്തെ വിവിധ വിഭാഗങ്ങൾക്കിടയിലുള്ള വിശ്വാസം വീണ്ടെടുക്കുന്നതിനായി ഒരു 'സമ്മതി സർക്കാർ' രൂപീകരിക്കാനാണ് ബിജെപി ലക്ഷ്യമിടുന്നത്. കുക്കി, നാഗ വിഭാഗങ്ങൾക്ക് ഭരണത്തിൽ ഉന്നത പ്രാതിനിധ്യം നൽകുന്നതിലൂടെ മണിപ്പൂരിലെ വംശീയ ചേരിതിരിവ് അവസാനിപ്പിക്കാൻ സാധിക്കുമെന്നാണ് കേന്ദ്ര നേതൃത്വത്തിന്റെ വിലയിരുത്തൽ. നിലവിലെ സാഹചര്യത്തിൽ ഖേംചന്ദ് സിംഗിന്റെ നേതൃത്വത്തിലുള്ള പുതിയ മന്ത്രിസഭ വരും ദിവസങ്ങളിൽ തന്നെ സത്യപ്രതിജ്ഞ ചെയ്ത് അധികാരമേൽക്കും.

After months of political uncertainty, a new government is set to take charge in Manipur. BJP leader Yumnam Khemchand Singh has been elected as the legislative party leader and will serve as the next Chief Minister.