കാഞ്ഞങ്ങാട്: നഗരസഭാ കൗണ്‍സിലിന്റെ നേതൃത്വത്തില്‍ ബലിപെരുന്നാള്‍, ഓണം എന്നിവ  പ്രമാണിച്ചു സാംസ്‌കാരിക ഘോഷയാത്ര നടത്തി. പുലിക്കളി, വിവിധ വാദ്യമേളങ്ങള്‍, ഓണപ്പാട്ടുകള്‍ എന്നിവ ഉണ്ടായിരുന്നു. ഘോഷയാത്രയെ തുടര്‍ന്ന് എസ്.എസ്.എല്‍.സി.പ്ലസ് ടു തലത്തില്‍ ഉന്നത വിജയം നേടിയ വിദ്യാര്‍ഥികളെ അനുമോദിച്ചു. പാലിയേറ്റിവ് കിറ്റ് 500 രോഗികള്‍ക്കു വിതരണം ചെയ്തു.
മൈലാഞ്ചിയിടല്‍ മത്സരവും നടത്തി. വിവിധ വാര്‍ഡുകളില്‍ നിന്ന് 15 ടീമുകള്‍ സംബന്ധിച്ചു.
സാംസ്‌ക്കാരിക സമ്മേളനത്തിന്റെ ഉദ്ഘാടനം പി കരുണാകരന്‍ എം.പി നിര്‍വഹിച്ചു. നഗരസഭാ ചെയര്‍മാന്‍ വി.വി രമേശന്‍ അധ്യക്ഷനായി. സംസ്ഥാന ലൈബ്രറി കൗണ്‍സില്‍ പ്രസിഡന്റ് ഡോ.കുഞ്ഞികൃഷ്ണന്‍ മുഖ്യ പ്രഭാഷണം നടത്തി. അഡ്വ.പി. അപ്പുക്കുട്ടന്‍, പി നാരായണന്‍, ബഷീര്‍ വെള്ളിക്കോത്ത്, എം ഹമീദ് ഹാജി, മര്‍ച്ചന്റ്‌സ് അസോസിയേഷന്‍ പ്രസിഡന്റ്  യൂസഫ് ഹാജി, എ ഹമീദ് ഹാജി, സ്വാമി പ്രേമാനന്ദ, ഫാ.ജോര്‍ജ്ജ് വള്ളിക്കുന്നേല്‍, കബീര്‍ ഫൈസി, അബ്ദുള്‍ റഹിമാന്‍ മാഷ്, എം ബല്‍രാജ്, സി.കെ വത്സലന്‍, കെ മുഹമ്മദ് കുഞ്ഞി, ടി.വി അജയകുമാര്‍ ഷെഫീഖ്, വൈസ്  ചെയര്‍പേഴ്‌സണ്‍ എല്‍ സുലൈഖ, ഗംഗാരാധാകൃഷ്ണന്‍  എന്നിവര്‍ സംസാരിച്ചു.