2026 ടി20 ലോകകപ്പിൽ ഇന്ത്യക്കെതിരായ മത്സരത്തിൽ നിന്നും പാകിസ്ഥാൻ പിന്മാറിയിരിരുന്നു. ഫെബ്രുവരി 15ന് കൊളംബോയിൽ നടക്കേണ്ട മത്സരമാണ് പാകിസ്ഥാൻ ബഹിഷ്‌കരിച്ചത്. പാക് പ്രധാനമന്ത്രി ഷെഹ്ബാസ് ഷെരീഫും പിസിബി അധ്യക്ഷൻ മൊഹ്സിൻ നഖ്‌വിയും നടത്തിയ ചർച്ചയ്ക്ക് ശേഷമാണ് ഈ അപ്രതീക്ഷിത പ്രഖ്യാപനം ഉണ്ടായത്. 

ഇപ്പോഴിതാ ഇന്ത്യക്കെതിരെയുള്ള പാകിസ്താന്റെ ലോകകപ്പ് ബഹിഷ്കരണത്തെക്കുറിച്ച് സംസാരിച്ചിരിക്കുകയാണ് ഇന്ത്യൻ ടി-20 ക്യാപ്റ്റൻ സൂര്യകുമാർ യാദവ്. പാകിസ്താന്റെ ഈ തീരുമാനത്തിന്റെ തന്റെ കൈകളിൽ അല്ലെന്നും ഫെബ്രുവരി 15ന് കൊളംബോയിൽ കളിക്കാനിറങ്ങുമെന്നുമാണ് സൂര്യകുമാർ യാദവ് പറഞ്ഞത്. 

''പാകിസ്താന്റെ തീരുമാനം എന്റെ നിയന്ത്രണത്തിലുള്ളതല്ല. ഫെബ്രുവരി 15ന് കളിക്കണമെന്നാണ് ഞങ്ങളോട് പറഞ്ഞിട്ടുള്ളത്. ഏഷ്യ കപ്പിൽ മൂന്ന് മത്സരങ്ങളിൽ നിഷ്പക്ഷ വേദിയിൽ പാകിസ്താനെതിരെ ഞങ്ങൾ കളിച്ചു. അതുപോലെ കൊളംബോയിലും അവസരം കിട്ടിയാൽ വീണ്ടും കളിക്കും. മത്സരം കളിക്കാൻ ഞങ്ങൾ വിസമ്മതിച്ചിട്ടില്ല. പാകിസ്താന്റെ ഭാഗത്തു നിന്നാണ് അത് വന്നത്. ബിസിസിഐയും സർക്കാരും പാകിസ്താനായി ഒരു നിഷ്പക്ഷ വേദി തീരുമാനിച്ചിട്ടുണ്ട്. കൊളംബോയിലേക്ക് പോവാനുള്ള വിമാനം ഞങ്ങൾ ബുക്ക് ചെയ്തു. ഞങ്ങൾ തീർച്ചയായും പോവും'' സൂര്യകുമാർ യാദവ് പറഞ്ഞു. 

ബംഗ്ലാദേശിനെ ഒഴിവാക്കി സ്കോട്ട്‌ലൻഡിനെ ലോകകപ്പിൽ ഉൾപ്പെടുത്തിയ ഐസിസി നടപടിയിൽ പ്രതിഷേധിച്ചാണ് ഈ നീക്കമെന്നാണ് ഔദ്യോഗിക വിശദീകരണം. ലോകകപ്പ് പൂർണ്ണമായും ബഹിഷ്കരിക്കാൻ പാകിസ്ഥാൻ തയ്യാറായിട്ടില്ല. ഇന്ത്യയൊഴികെയുള്ള മറ്റ് രാജ്യങ്ങൾക്കെതിരായ മത്സരങ്ങളിൽ ടീം പങ്കെടുക്കും.

പാകിസ്ഥാൻ മത്സരത്തിൽ നിന്ന് പിന്മാറുന്നതോടെ ഗ്രൂപ്പ് ഘട്ടത്തിൽ ഇന്ത്യക്ക് കളിക്കാതെ തന്നെ രണ്ട് പോയിന്റുകൾ ലഭിക്കും. എന്നാൽ സെമി ഫൈനലിലോ ഫൈനലിലോ ഇരു ടീമുകളും വീണ്ടും ഏറ്റുമുട്ടേണ്ടി വന്നാൽ പാകിസ്ഥാൻ എന്ത് നിലപാട് സ്വീകരിക്കുമെന്ന് വ്യക്തമാക്കിയിട്ടില്ല. 

Pakistan had pulled out of the 2026 T20 World Cup against India. Pakistan boycotted the match scheduled to be held in Colombo on February 15. This unexpected announcement came after a discussion between Pakistan Prime Minister Shehbaz Sharif and PCB Chairman Mohsin Naqvi. Now, Indian T20 captain Suryakumar Yadav has spoken about Pakistan's World Cup boycott against India. Suryakumar Yadav said that Pakistan's decision is not in his hands and that he will play in Colombo on February 15.