വഡോദര: 2026 വിമൺസ് പ്രിമീയർ ലീഗ് ഫൈനലിൽ ഡൽഹി ക്യാപ്പിറ്റൽസിനെതിരെ റോയൽ ചലഞ്ചേഴ്‌സ് ബെംഗളൂരുവിന് 204 റൺസ് വിജയലക്ഷ്യം. വഡോദരയിൽ നടക്കുന്ന മത്സരത്തിൽ ആദ്യം ബാറ്റ് ചെയ്ത ഡൽഹി മൂന്ന് വിക്കറ്റ് നഷ്ടത്തിലാണ് 203 റൺസ് നേടിയത്.  വിമൺസ് പ്രിമീയർ ലീഗിന്റെ ചരിത്രത്തിലെ ഏറ്റവും ഉയർന്ന ടോട്ടൽ ആണ് ഡൽഹി നേടിയത്. 

അർദ്ധ സെഞ്ച്വറി നേടിയ ക്യാപ്റ്റൻ ജെമീമ റോഡിഗാസാണ് ഡൽഹി നിരയിൽ തിളങ്ങിയത്. ചരിത്രത്തിലെ ആദ്യ കിരീടത്തിനായുള്ള മത്സരത്തിൽ ഡൽഹിക്കായി 37 പന്തിൽ 57 റൺസ് നേടിയാണ് ജെമീമ മികവ് കാട്ടിയത്. എട്ട് ഫോറുകളാണ് താരത്തിന്റെ ബാറ്റിൽ നിന്നും പിറന്നത്. 

വിമൺസ് പ്രിമീയർ ലീഗിന്റെ ഫൈനലിൽ 50+ റൺസ് നേടുന്ന മൂന്നാമത്തെ താരമാണ് ജെമീമ. നാറ്റ് സ്കൈവർ ബ്രണ്ട്, ഹർമൻപ്രീത് കൗർ എന്നിവർക്ക് ശേഷമാണ് ജെമീമ ഫൈനലിൽ അർദ്ധ സെഞ്ച്വറി നേടിയത്. 

ജെമീമക്ക് പുറമെ ലോറ വോൾവാർഡ് 25 പന്തിൽ മൂന്ന് ഫോറുകളും രണ്ട് സിക്സുകളും അടക്കം 44 റൺസും ചിനെല്ലെ ഹെൻറി 15 പന്തിൽ പുറത്താവാതെ 35 റൺസും നേടി മികവ് കാണിച്ചപ്പോൾ ഡൽഹി മികച്ച ടോട്ടലേക്ക് നീങ്ങി. 

Royal Challengers Bangalore set a target of 204 runs to win against Delhi Capitals in the 2026 Women's Premier League final. Batting first, Delhi scored 203 runs for the loss of three wickets in the match to be held in Vadodara. Captain Jemimah Rodrigues, who scored a half-century, shone for Delhi. Jemimah excelled in the match for Delhi by scoring 57 runs off 37 balls in the match for the first title in history. The player's batting was studded with eight fours.