കോഴിക്കോട്: വേനല്‍ ചൂടിനൊപ്പം തെരഞ്ഞെടുപ്പ് ചൂടും. വിയര്‍ത്തൊലിച്ച് സ്ഥാനാര്‍ഥികള്‍. വോട്ടെടുപ്പിന് ദിവസങ്ങള്‍ മാത്രം ബാക്കിയുള്ളപ്പോള്‍ പ്രചാരണം ടോപ് ഗിയറിലെത്തിയിരിക്കുകയാണ്. അടുത്ത ദിവസങ്ങളില്‍ സംസ്ഥാന-ദേശീയ നേതാക്കള്‍ സ്ഥാനാര്‍ഥികളുടെ പ്രചാരണത്തില്‍ സജീവമാകും. അസഹനീയമായ പകല്‍ ചൂടിലും പരമാവധി സ്ഥലങ്ങളിലെത്തി വോട്ടര്‍മാരെ കാണാനുള്ള തിരക്കിലാണ് സ്ഥാനാര്‍ഥികള്‍.

ചൂട് അതികഠിനമായ സാഹചര്യത്തില്‍ അതിരാവിലെ ഏഴോടെ തുടങ്ങുന്ന പ്രചാരണം 12 മണിക്ക് മുമ്പ് അവസാനിപ്പിക്കും. തുടര്‍ന്ന് വൈകീട്ട് മൂന്നിനാണ് തെരഞ്ഞെടുപ്പ് പര്യടന പരിപാടികള്‍ ആരംഭിക്കുന്നത്.

കോഴിക്കോട് ഫാറൂഖ് കോളേജില്‍ തെരഞ്ഞെടുപ്പ് പ്രചാരണത്തിന് എത്തിയ നോര്‍ത്ത് മണ്ഡലം എല്‍.ഡി.എഫ് സ്ഥാനാര്‍ത്ഥി പി.എ മുഹമ്മദ് റിയാസ് വിദ്യാര്‍ത്ഥികള്‍ക്കൊപ്പം സെല്‍ഫിയെടുക്കുന്നു.

ALSO READ: സീല്‍ വിവാദത്തില്‍ അന്വേഷണം പൂര്‍ത്തിയായി; ഉറവിടം വ്യക്തമാക്കാതെ തെരഞ്ഞെടുപ്പ് കമ്മിഷന്‍

അതേസമയം ചൂടിന് ശമനമായി രണ്ടുദിവസം മഴയുണ്ടാകുമെന്നാണ് കാലാവസ്ഥ വകുപ്പിന്റെ അറിയിപ്പ്. കഴിഞ്ഞ ദിവസങ്ങളില്‍ സംസ്ഥാനത്തെല്ലായിടത്തും സാധാരണയേക്കാള്‍ രണ്ടു മുതല്‍ മൂന്നു ഡിഗ്രി സെല്‍ഷ്യസ് വരെ താപനില ഉയര്‍ന്നിട്ടുണ്ട്. ഉയര്‍ന്ന താപനിലയും ഈര്‍പ്പമുള്ള വായുവും കാരണം ചൂടും അസ്വസ്ഥതയുമുള്ള കാലാവസ്ഥയാണുള്ളത്. ഈ സാഹചര്യത്തില്‍ സൂര്യാഘാതം, സൂര്യാതപം, നിര്‍ജലീകരണം എന്നിവ ഒഴിവാക്കാന്‍ സംസ്ഥാന ദുരന്ത നിവാരണ അതോറിറ്റി പൊതുജനങ്ങള്‍ക്കായി ജാഗ്രത നിര്‍ദേശങ്ങള്‍ പുറപ്പെടുവിച്ചു.

തെരഞ്ഞെടുപ്പ് പ്രചാരണത്തിന്റെ ഭാഗമായി കോഴിക്കോട് കടപ്പുറത്ത് നടന്ന യു.ഡി.എഫ് മഹാറാലിക്കെത്തിയ പ്രവര്‍ത്തകര്‍

പൊതുപരിപാടികള്‍ 11 മുതല്‍ മൂന്നുവരെ കഴിവതും ഒഴിവാക്കുക, പരിപാടികളില്‍ പങ്കെടുക്കുന്നവര്‍ക്ക് കുടിവെള്ളവും തണലും ഉറപ്പാക്കണം, യാത്രക്കാര്‍ ആവശ്യമായ വിശ്രമത്തോടെ യാത്ര തുടരുകയും വെള്ളം കരുതുകയും വേണം എന്നിങ്ങനെയുള്ള നിര്‍ദേശങ്ങള്‍ കര്‍ശനമായി പാലിക്കണമെന്ന് രാഷ്ട്രീയ പാര്‍ട്ടികളോടും അധികൃതര്‍ ആവശ്യപ്പെട്ടിട്ടുണ്ട്.

ALSO READ: ചുട്ടുപൊള്ളി കേരളം: പാലക്കാട് 39.8 ഡിഗ്രി! സീസണിലെ റെക്കോർഡ് ചൂട്; 12 ജില്ലകളിൽ ജാഗ്രതാ നിർദ്ദേശം

12 ജില്ലകളില്‍ യെല്ലോ അലര്‍ട്ട് പ്രഖ്യാപിച്ചിട്ടുണ്ട്. കൊല്ലം, പാലക്കാട് ജില്ലകളില്‍ 38 ഡിഗ്രി സെല്‍ഷ്യസ് വരെ താപനില ഉയരാന്‍ സാധ്യതയുണ്ട്. പത്തനംതിട്ട, ആലപ്പുഴ, കോട്ടയം, എറണാകുളം, തൃശൂര്‍, കോഴിക്കോട് കണ്ണൂര്‍ ജില്ലകളില്‍ 37 ഡിഗ്രി സെല്‍ഷ്യസ് വരെയും, തിരുവനന്തപുരം, മലപ്പുറം, കാസര്‍കോട് ജില്ലകളില്‍ 36 ഡിഗ്രി സെലിഷ്യസ് വരെയും താപനില ഉയര്‍ന്നേക്കും. 

Despite the intense summer heat, election candidates across Kerala continue their campaign efforts with undiminished enthusiasm. Braving soaring temperatures and humid conditions, leaders and party workers are actively engaging with voters through rallies, roadshows, and door-to-door outreach.