തിരുവനന്തപുരം: പാപ്പനംകോട് ഡാന്‍സാഫ് സംഘം നടത്തിയ പരിശോധനയില്‍ പിടിച്ചെടുത്തത് 300 കിലോയിലധികം കഞ്ചാവ്. ഇന്നോവ കാറില്‍ കടത്തുകയായിരുന്ന കഞ്ചാവ് പൊതികളാണ് അന്വേഷണ സംഘം പിടിച്ചെടുത്തത്. സംഭവത്തില്‍ കരകുളം സ്വദേശി അഫ്‌സല്‍ പിടിയിലായി. 

സമീപ കാലത്ത് തിരുവനന്തപുരത്ത് നടന്നിട്ടുള്ള ഏറ്റവും വലിയ കഞ്ചാവ് വേട്ടയാണ് പാപ്പനംകോടിലേത്. അഫ്‌സല്‍ നേരത്തെയും ചില കേസുകളില്‍ പ്രതിയായിരുന്നു. കഞ്ചാവും കാറും മറ്റൊരാള്‍ക്ക് നല്‍കാന്‍ കാത്തുനില്‍ക്കുന്നതിനിടെയാണ് പ്രതി ഡാന്‍സാഫ് സംഘത്തിന്റെ പിടിയിലായത്. നാര്‍ക്കോട്ടിക് അസിസ്റ്റന്റ് കമ്മീഷണര്‍ ഗോപകുമാറിന്റെ നേതൃത്വത്തിലുള്ള സംഘമാണ് ഓപ്പറേഷന്‍ നിയന്ത്രിച്ചത്.

ALSO READ: പത്താം ക്ലാസ്, പന്ത്രണ്ടാം ക്ലാസ് സിബിഎസ്ഇ പരീക്ഷകൾ നാളെ തുടങ്ങും; ചോദ്യപേപ്പർ ചോർന്നെന്ന പ്രചാരണം അടിസ്ഥാനരഹിതമെന്ന് ബോർഡ്