മുംബൈ: ന്യൂസിലന്‍ഡിനെതിരായ മൂന്നു ടെസ്റ്റുകളുടെ പരമ്പരയ്ക്കുള്ള ഇന്ത്യന്‍ ടീമിനെ ഇന്നു പ്രഖ്യാപിക്കും. വെസ്റ്റിന്‍ഡീസ് പര്യടനത്തിലുള്‍പ്പെട്ട ടീമിനെ തന്നെ നിലനിര്‍ത്തിയേക്കും. അതേസമയം രോഹിത് ശര്‍മ ടെസ്റ്റ് ടീമിലേക്ക് മടങ്ങിയെത്താനും ഒപ്പം നിലവില്‍ നടക്കുന്ന ദുലീപ് ട്രോഫില്‍ മിന്നും ഫോമില്‍ കളിക്കുന്ന ഗൗതം ഗംഭീറിനും നേരിയ സാധ്യതയുമുണ്ട്. 15 അംഗ ടീമിനെയാണ് ഇന്നു പ്രഖ്യാപിക്കുന്നത്. ഈ മാസം 22 മുതല്‍ കാണ്‍പൂരിലാണ് ആദ്യ ടെസ്റ്റ്.
സന്ദീപ് പാട്ടീല്‍ അധ്യക്ഷനായ സെലക്ഷന്‍ സമിതിയില്‍ വിക്രം റാത്തോഡ്, സാബ കരിം, എം.എസ്.കെ പ്രസാദ്, ഗഗന്‍ ഖോഡ എന്നിവരാണ് അംഗങ്ങള്‍.