അൽ-ജൗഫ്: സഊദി അറേബ്യയിലെ പുതിയ അൽ-ജൗഫ് അന്താരാഷ്ട്ര വിമാനത്താവളം പ്രവർത്തനമാരംഭിച്ചു. ഇതോടെ പഴയ വിമാനത്താവളത്തിൽ നിന്നുള്ള സർവിസുകൾ പൂർണ്ണമായും പുതിയ ടെർമിനലിലേക്ക് മാറ്റി. സെക്കൻഡ് എയർപോർട്ട് ക്ലസ്റ്ററിന് കീഴിലാണ് പുതിയ വിമാനത്താവളം പ്രവർത്തിക്കുന്നത്. ഇനി സഊദിയിലേക്കുള്ള യാത്രാസൗകര്യങ്ങളിൽ വൻ കുതിച്ചു ചാട്ടം ഉണ്ടാകും. പഴയ വിമാനത്താവളത്തിൽ 1.75 ലക്ഷം മാത്രം ഉൾക്കൊള്ളൽ ശേഷിയിൽ നിന്ന് വ്യത്യസ്തമായി പ്രതിവർഷം 1.6 ദശലക്ഷം യാത്രക്കാരെ ഉൾക്കൊള്ളാനുള്ള ശേഷി പുതിയ വിമാനത്താവളത്തിനുണ്ട്.

ALSO READ: ജിദ്ദയിൽ മന്ത്രിസഭാ യോഗം ചേർന്നു; വിവിധ രാജ്യങ്ങളുമായി നയതന്ത്ര-സാമ്പത്തിക കരാറുകൾക്ക് സഊദി മന്ത്രിസഭയുടെ അംഗീകാരം

800 ശതമാനത്തിലധികം വർധനവാണിതിലൂടെ ഉണ്ടായിരിക്കുന്നത്. 24,000 ചതുരശ്ര മീറ്റർ വിസ്തൃതിയിൽ അന്താരാഷ്ട്ര നിലവാരത്തിലാണ് വിമാനത്താവളത്തിന്റെ നിർമാണം പൂർത്തിയാക്കിയത്. 16 ചെക്ക്-ഇൻ കൗണ്ടറുകൾ, 11 ഗേറ്റുകൾ, 5 പാസ്‌പോർട്ട് കൺട്രോൾ പ്ലാറ്റ്‌ഫോമുകൾ എന്നിവ പ്രത്യേകതയാണ്. ഓട്ടിസം ബാധിതരായ യാത്രക്കാർക്കായി പ്രത്യേകം 'സെൻസറി റൂമുകൾ', ഭിന്നശേഷിക്കാർക്കും മുതിർന്ന പൗരന്മാർക്കും പ്രത്യേക സഹായ സംവിധാനങ്ങൾ എന്നിവ എടുത്തു പറയേണ്ട സവിശേഷതകളാണ്. പുതിയ വിമാനത്താവളത്തിലേക്കുള്ള മാറ്റങ്ങൾ അധികൃതർ ഏകോപിപ്പിച്ചുകൊണ്ടിരിക്കുകയാണ്. 

The new Al-Jouf International Airport has officially commenced operations in Saudi Arabia, featuring an annual capacity of 1.6 million passengers—an 800% increase. The terminal offers world-class facilities, including specialized sensory rooms for autistic travelers and enhanced accessibility for people with disabilities.