തിരുവനന്തപുരം: തെരഞ്ഞെടുപ്പിന് ദിവസങ്ങള്‍ ശേഷിക്കെ, വിവാദ പ്രസംഗവുമായി വട്ടിയൂര്‍ക്കാവ് എന്‍.ഡി.എ സ്ഥാനാര്‍ഥി ആര്‍ ശ്രീലേഖ. കേരളത്തില്‍ ലൗ ജിഹാദ് നടന്നപ്പോള്‍ പോലും കണ്ണടച്ചിരിക്കുന്ന സര്‍ക്കാരാണ് കേരളത്തില്‍ ഉള്ളതെന്നും അതുകൊണ്ടാണ് കേരളത്തില്‍ സ്ത്രീ സുരക്ഷയില്ലാത്തതെന്നും ആര്‍ ശ്രീലേഖ പറഞ്ഞു. ശാസ്തമംഗലത്ത് 'ബ്രഞ്ച് വിത്ത് ശ്രീലേഖ' എന്ന പരിപാടിയില്‍ പ്രസംഗിക്കുകയിരുന്നു ശ്രീലേഖ.

ഒരു പൊലീസ് ഓഫീസറായ തനിക്ക് പോലും ദുരനുഭവം ഉണ്ടായപ്പോള്‍ ആരും കൂടെനിന്നില്ല.  ഡി.ജി.പി പോലും കൂടെ നിന്നില്ല. അടുത്തിടെ ഒരു മന്ത്രിയുടെ ഭാര്യയ്ക്ക് ദുരനുഭവം ഉണ്ടായപ്പോള്‍ സ്വന്തം വീട്ടില്‍ പൂട്ടിയിട്ടപ്പോഴും പൊലിസ് ഇടപെട്ടില്ലെന്നും അവര്‍ ആരോപിച്ചു.

പൊലിസിന്റെ പരാതി സെല്ലില്‍ നേരിട്ട് വിളിച്ചിട്ട് പോലും സര്‍ക്കാര്‍ എന്ത് നടപടിയാണ് എടുത്തത്. ഇതാണ് കേരളത്തിന്റെ അവസ്ഥയെന്നും ആര്‍ ശ്രീലേഖ പറഞ്ഞു. 

Former police officer Sreelekha has sparked controversy with remarks alleging “love jihad” in Kerala and accusing the government of turning a blind eye. She also claimed that women are not safe in the state, triggering strong reactions from political leaders and the public.