മൈക്രോ ഫൈബര്‍ തുണി (Microfiber cloth) ഉപയോഗിച്ച് വീട്ടുപകരണങ്ങളും മറ്റും വൃത്തിയാക്കുന്നത് വളരെ ഫലപ്രദമാണ്. സാധാരണ തുണികളെ അപേക്ഷിച്ച് ഇവ പൊടിയും അഴുക്കും നന്നായി വലിച്ചെടുക്കും. ശരിയായ രീതിയില്‍ ഇത് എങ്ങനെ ഉപയോഗിക്കാം എന്ന് നോക്കാം

ഉണങ്ങിയ തുണി ഉപയോഗിച്ച് (Dry Cleaning)
പൊടി തട്ടാനും മിനുസപ്പെടുത്താനും ഉണങ്ങിയ മൈക്രോ ഫൈബര്‍ തുണി മികച്ചതാണ്.

ടിവി, ലാപ്‌ടോപ്പ് സ്‌ക്രീനുകള്‍- സ്‌ക്രീനുകളില്‍ പോറല്‍ വീഴാതെ പൊടി നീക്കം ചെയ്യാന്‍ ഉണങ്ങിയ തുണി കൊണ്ട് മൃദുവായി തുടയ്ക്കുക.

കണ്ണാടികള്‍- വിരലടയാളങ്ങളും ചെറിയ പൊടികളും നീക്കം ചെയ്യാന്‍ ഇത് സഹായിക്കും.

നനഞ്ഞ തുണി ഉപയോഗിച്ച് (Damp Cleaning)
കടുപ്പമേറിയ അഴുക്കുകള്‍ നീക്കം ചെയ്യാന്‍ തുണി അല്‍പം നനച്ച് ഉപയോഗിക്കാം.

വെള്ളം മാത്രം മതി- മൈക്രോ ഫൈബര്‍ തുണിയുടെ പ്രത്യേകത ഇതിന് സോപ്പോ മറ്റ് ക്ലീനിങ് ലായനികളോ അധികം ആവശ്യമില്ല എന്നതാണ്.

തുണി വെള്ളത്തില്‍ മുക്കി നന്നായി പിഴിഞ്ഞ് വെള്ളം കളയുക (നനവ് മാത്രം മതി, വെള്ളം ഇറ്റുവീഴരുത്). ഇത് ഉപയോഗിച്ച് ഫര്‍ണിച്ചറുകള്‍, അടുക്കളയിലെ സ്ലാബുകള്‍ എന്നിവ തുടയ്ക്കാം.

ഗ്ലാസ് പ്രതലങ്ങള്‍ വൃത്തിയാക്കാന്‍ ആദ്യം നനഞ്ഞ തുണി കൊണ്ട് തുടയ്ക്കുക.

തൊട്ടുപിന്നാലെ തന്നെ ഉണങ്ങിയ മറ്റൊരു മൈക്രോ ഫൈബര്‍ തുണി കൊണ്ട് തുടച്ചാല്‍ ഗ്ലാസ്സില്‍ വെള്ളത്തിന്റെ പാടുകള്‍ ഇല്ലാതെ തിളക്കം കിട്ടും.

ALSO READ: ചോക്ലേറ്റ് കൊണ്ട് കൈ കഴുകാം; പക്ഷേ ബില്ല് കണ്ടാല്‍ 'കൈ പൊള്ളും'! എന്താണ് ഈ എല്‍സീലോ സ്‌റ്റൈല്‍ ചോക്കോതെറാപ്പി?

മൈക്രോ ഫൈബര്‍ തുണി ഉപയോഗിക്കുമ്പോള്‍ ഉണ്ടാകുന്ന അബദ്ധങ്ങള്‍
അഴുക്ക് തട്ടിക്കളയുക- തുടയ്ക്കുന്നതിനിടയില്‍ തുണിയില്‍ പൊടി നിറഞ്ഞാല്‍ അത് നന്നായി കുടഞ്ഞോ വെള്ളത്തില്‍ കഴുകിയോ വൃത്തിയാക്കിയ ശേഷം വീണ്ടും ഉപയോഗിക്കുക. അല്ലെങ്കില്‍ തുണിയിലെ പൊടി കാരണം പ്രതലങ്ങളില്‍ പോറല്‍ വീഴാം.

കഴുകുന്ന രീതി 
മൈക്രോ ഫൈബര്‍ തുണി കഴുകുമ്പോള്‍ ഫാബ്രിക് സോഫ്റ്റ്‌നറുകള്‍ (Fabric Softeners) ഉപയോഗിക്കരുത്. ഇത് തുണിയിലെ ചെറിയ നാരുകളെ നശിപ്പിക്കുകയും അഴുക്ക് വലിച്ചെടുക്കാനുള്ള കഴിവ് കുറയ്ക്കുകയും ചെയ്യും.

ചൂട് ഒഴിവാക്കുക
 ഇവ പ്ലാസ്റ്റിക് നാരുകള്‍ കൊണ്ട് നിര്‍മ്മിച്ചതായതുകൊണ്ട് കത്തുന്ന ചൂടിലോ ഇസ്തിരിപ്പൊട്ടി ഉപയോഗിച്ചോ ഉണക്കരുത്. തണലത്തിട്ട് ഉണക്കുന്നതാണ് ഉചിതം.

Microfiber cloths are highly effective for cleaning; use them dry for dusting and slightly damp for scrubbing. Avoid using fabric softeners or high heat when washing them to maintain their effectiveness.