ഈരാറ്റുപേട്ട: നഗരത്തില്‍  നിരവധി സീബ്രാലൈനുകളുണ്ടെങ്കിലും കാല്‍നടയാത്രക്കാര്‍ക്ക് റോഡ് മുറിച്ചുകടക്കാന്‍ അല്‍പം പ്രയാസപ്പെടും. ദീര്‍ഘനേരം നോക്കി നിന്നാലെ റോഡ് ക്രോസ് ചെയ്യാന്‍ കഴിയൂവെന്ന സ്ഥിതിയാണ് നിലവില്‍.
ഇവിടെ പൊലിസിന്റെയോ ഹോം ഗാര്‍ഡുകളുടെ സേവനം ഉറപ്പാക്കാന്‍ ഇതുവരെയും അധികൃതര്‍ക്ക് കഴിഞ്ഞിട്ടില്ലെന്നതും വാസ്തവം. തിരക്കേറിയ സമയങ്ങളില്‍ പോലും സീബ്രാലൈനുകളില്‍ പൊസിന്റെ സേവനം ഈരാറ്റുപേട്ടയില്‍ ലഭിക്കുന്നില്ലെന്ന പരാതി വ്യാപകമാണ്. ഇതു മൂലം സീബ്രാലൈനിലൂടെ റോഡ് മുറിച്ചു കടക്കുന്ന യാത്രക്കാര്‍ ജീവന്‍ കൈയിലെടുത്താണ്ട് യാത്ര ചെയ്യുന്നത്.
സീബ്രാലൈനില്‍ യാത്രക്കാരെ കണ്ടാലും വാഹനങ്ങള്‍ സാവധാനം പോകാറില്ല. സ്‌കൂള്‍ സമയങ്ങളില്‍ മറ്റ് യാത്രികരുമാണ് കുട്ടികളെ റോഡുമുറിച്ച കടക്കാന്‍ സഹായിക്കുന്നത്.
ടൗണ്‍ ലിമിറ്റില്‍ 35 കിലോമീറ്ററും നഗരത്തില്‍ 15 കിലോമീറ്ററിലും കൂടുതല്‍ വേഗം പാടില്ലെന്നാണ് നിയമമെങ്കിലും 50 കിലോമീറ്ററിലാണ് വാഹനങ്ങള്‍ പായുന്നത് വേഗം നിയന്ത്രിക്കാന്‍ സംവിധാനമില്ല. വാഹനങ്ങളുടെ വേഗം കുറയ്ക്കാത്തത് പലപ്പോഴും അപകടത്തിന് ഇടയാകുന്നുണ്ട്. സ്ത്രീകളും കുട്ടികളും ഏറെ നേരം കാത്തു നിന്നാലും റോഡ് മുറിച്ചുകടക്കാന്‍ പ്രയാസപ്പെടുകയാണ്.റോഡുകള്‍ കൈയേറി വാഹനങ്ങള്‍ പാര്‍ക്കു ചെയ്യുന്നതു മൂലം കാല്‍നടയാത്രക്കാര്‍ ബുദ്ധിമുട്ടുകയാണ്.4