തൊടുപുഴ:   അച്ചന്‍കവല  പുഴയോരം റസിഡന്റ് അസോസിയേഷന്‍ പ്രസിഡന്റായി കെ പങ്കജാക്ഷന്‍ നായരെയും  സെക്രട്ടറിയായി കെ ആര്‍ ദിവാകരനെയും ട്രഷററായി ടി ജി മോഹനചന്ദ്രനെയും  തെരഞ്ഞെടുത്തു.
പൊതുയോഗത്തില്‍ കെ പങ്കജാക്ഷന്‍ നായര്‍ അധ്യക്ഷനായി. കെ ആര്‍  ദിവാകരന്‍ റിപ്പോര്‍ട്ടും വരവുചെലവു കണക്കും അവതരിപ്പിച്ചു. പി രാജീവ്  സ്വാഗതവും എന്‍.എം പ്രദീപ് നന്ദിയും പറഞ്ഞു.  
അച്ചന്‍കവല-മണിമലക്കടവ്  റോഡ് അറ്റകുറ്റപണി നടത്തുക, കുളിക്കടവ് നന്നാക്കുക, പ്ലാസ്റ്റിക്  മാലിന്യം സംസ്‌കരിച്ച് പഞ്ചായത്ത്തലത്തില്‍ സംസ്‌കരിക്കാന്‍ നടപടി  സ്വീകരിക്കുക എന്നീ പ്രമേയങ്ങളും പൊതുയോഗം അംഗീകരിച്ചു.