കായംകുളം: മദ്യപിച്ച് ബൈക്കിലെത്തിയ സംഘം കടതല്ലിത്തകര്‍ത്തു.കെപി റോഡില്‍ മുരുക്കുംമൂട് ജംഗ്ഷനിലുള്ള സ്റ്റേഷനറികടയാണ് തകര്‍ത്തത്.
 ഇന്നലെ നാലു മണിയോടെയാണ് സംഭവം.ബൈക്കില്‍ വന്ന മൂന്നുപേര്‍ കടയിലെത്തി സാധനങ്ങള്‍ വാങ്ങുന്നതിനിടയില്‍ കടക്കുമുന്നില്‍ നിന്നവരുമായി വാക്കേറ്റമുണ്ടാകുകയും അവരെ മര്‍ദ്ദിച്ച ശേഷം കടയിലുണ്ടായിരുന്ന ഭരണികളും വാഴക്കുലയും മറ്റ് സാധനങ്ങളും വാരിവലിച്ചെറിഞ്ഞ് നശിപ്പിക്കുകയും ചെയ്തു.
സംഭവം അറിഞ്ഞ് സി.ഐ. കെ.സദന്‍ സ്ഥലത്തെത്തിയപ്പോഴേക്കും സംഘത്തിലുണ്ടായിരുന്ന മൂന്നുപേരും ബൈക്കില്‍ കയറി രക്ഷപ്പെട്ടു.
പോലീസ് തെരച്ചില്‍ നടത്തിയെങ്കിലും പിടികൂടാനായില്ല.എന്നാല്‍ ഇവരെപ്പറ്റിയുള്ള വിവരങ്ങള്‍ ലഭിച്ചതായും ഉടന്‍ പിടികൂടുമെന്നും സി.ഐ.പറഞ്ഞു.