തുറവൂര്‍: എഴുപുന്ന ഗ്രാമ പഞ്ചായത്തില്‍ ഓണത്തിളക്കം എന്ന പേരില്‍ ഓണാഘോഷവും പൂക്കള മല്‍സരവും നടന്നു. എരമല്ലൂര്‍ ഗവ.എല്‍.പി.സ്‌കൂളില്‍ നടന്ന ഓണാഘോഷം എഴുപുന്ന ഗ്രാമ പഞ്ചായത്ത് പ്രസിഡന്റ് എസ്.റ്റി.ശ്യാമളകുമാരി ഉദ്ഘാടനം ചെയ്തു. പഞ്ചായത്തില്‍ ആരംഭിക്കുന്ന പഠനവേദിയുടെ ഉദ്ഘാടനം വൈസ് പ്രസിഡന്റ് എം.കെ.ജോണപ്പന്‍ നിര്‍വഹിച്ചു.എന്‍.കെ.രാജീവന്‍ അധ്യക്ഷത വഹിച്ചു. ബിന്ദു ഷാജി, ജൂലിയറ്റ്, വി.എം. ജയപ്രകാശ് എന്നിവര്‍ പ്രസംഗിച്ചു. പൂക്കള മത്സരത്തോടൊപ്പം കലാകായിക  കൗതുകമല്‍സരങ്ങള്‍, ഗെയിം ഷോ, ഡാന്‍സ് ഫെസ്റ്റ് എന്നിവയും സംഘടിപ്പിച്ചിരുന്നു.