തബൂക്ക്: സഊദി അറേബ്യയിലെ തബൂക്കിലുണ്ടായ വാഹനാപകടത്തില്‍ മലയാളി യുവാവ് മരിച്ചു. മലപ്പുറം ചൂരക്കാവ് ചെറുകുളമ്പ് സ്വദേശി കളത്തിങ്ങല്‍ ഹുസൈന്‍ (34) ആണ് മരിച്ചത്. 
തബൂക്കിലെ ഷിഫയില്‍ 'ബ്രോസ്റ്റ് അതയബ് താസജ്' ഗ്രൂപ്പിലെ ജീവനക്കാരനായിരുന്നു ഹുസൈന്‍. ഇന്നലെ രാവിലെ ജോലി കഴിഞ്ഞ് തിരികെ മടങ്ങുന്നതിനിടെയാണ് അപകടമുണ്ടായത്. സാധനങ്ങള്‍ വാങ്ങാനായി റോഡ് മുറിച്ചുകടക്കുന്നതിനിടെ അമിതവേഗത്തിലെത്തിയ വാഹനം ഹുസൈനെ ഇടിച്ചു തെറിപ്പിക്കുകയായിരുന്നു.
പരേതനായ കളത്തിങ്ങല്‍ ഹംസ  ആച്ചൂട്ടി ദമ്പതികളുടെ മകനാണ്. ഭാര്യ: ഹിബ തസ്‌നീം. സഹോദരങ്ങള്‍: ശിഹാബ്, ഫിര്‍ദൗസ്, അഷ്‌റഫ്, ബഷീര്‍, ഹസൈന്‍, അബൂബക്കര്‍, ഷബീര്‍, റസീന.
മയ്യിത്ത് നിലവില്‍ തബൂക്കിലെ കിങ് ഖാലിദ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. നിയമനടപടികള്‍ പൂര്‍ത്തിയാക്കിയ ശേഷം പിന്നീട് മറവ് ചെയ്യും. 

ALSO READ: പാചകവാതക ബുക്കിങ് ഇടവേള 45 ദിവസമാക്കി; പ്രതിസന്ധി മറികടക്കാന്‍ ഉല്‍പാദനം 28 ശതമാനം വര്‍ധിപ്പിച്ചു

English Summary: A 34-year-old Malayali youth, Kalathingal Hussain from Cherukulamba, Malappuram, died in at ragic road accident in Tabuk, Saudi Arabia. The incident occurred on Friday morning. Hussain, an employee at the Broast tAyab Tazaj group in Shifa, Tabuk, was fatally tsruck by a speeding vehicle while crossing the road after his work shift. He is survived by his wife, Hiba Thasneem. His mortal remains are currently kept at the King Khalid Hospital mortuary in Tabuk, and the burial will take place later after completing the legal procedures.