കോഴിക്കോട്: നിയമസഭാ തിരഞ്ഞെടുപ്പിനുള്ള ആർ.ജെ.ഡി (RJD) സ്ഥാനാർത്ഥികളെ പ്രഖ്യാപിച്ചു. ആർ.ജെ.ഡി സംസ്ഥാന അധ്യക്ഷൻ എം.വി. ശ്രേയാംസ് കുമാറാണ് മൂന്ന് മണ്ഡലങ്ങളിലെയും സ്ഥാനാർത്ഥികളെ പ്രഖ്യാപിച്ചത്. 

വടകര, കൂത്തുപറമ്പ്, കൽപറ്റ മണ്ഡലങ്ങളിലെ സ്ഥാനാർത്ഥികളെയാണ് പ്രഖ്യാപിച്ചത്. വടകരയിൽ ആർ.ജെ.ഡി ജില്ലാ പ്രസിഡന്റ് എം.കെ. ഭാസ്കരനും, കൂത്തുപറമ്പിൽ കേരള ഓട്ടോമൊബൈൽ ലിമിറ്റഡ് ഡയറക്ടർ പി.കെ. പ്രവീണും സ്ഥാനാർത്ഥിയാകുമ്പോൾ, കൽപറ്റയിൽ മുൻ ഡി.സി.സി സെക്രട്ടറി പി.കെ. അനിൽകുമാർ സ്ഥാനാർത്ഥിയാകും. 

ALSO READ: പാലക്കാടും കൊടുവള്ളിയും പിടിക്കാൻ സ്വതന്ത്രർ; എൽ.ഡി.എഫ് സ്ഥാനാർഥികളെ പ്രഖ്യാപിച്ചു

കഴിഞ്ഞ നാല് തവണയായി എം.വി. ശ്രേയാംസ് കുമാർ മത്സരിച്ച മണ്ഡലമാണ് കൽപറ്റ. മറ്റുള്ളവർക്ക് അവസരം നൽകുന്നതിൻ്റെ ഭാഗമായാണ് താൻ മാറിനിൽക്കുന്നതെന്ന് ശ്രേയാംസ് കുമാർ വ്യക്തമാക്കി.

അഞ്ച് വർഷം മുമ്പ് കോൺഗ്രസ് വിട്ട് ആർ.ജെ.ഡിയിൽ എത്തിയ അനിൽകുമാർ, വയനാട്ടിലെ മുതിർന്ന കോൺഗ്രസ് നേതാവായിരുന്ന പി.കെ. ഗോപാലൻ്റെ മകനാണ്. വയനാട് ഡി.സി.സി സെക്രട്ടറിയായും ഐ.എൻ.ടി.യു.സി സംസ്ഥാന ജനറൽ സെക്രട്ടറിയായും അദ്ദേഹം പ്രവർത്തിച്ചിട്ടുണ്ട്.

The Rashtriya Janata Dal (RJD) has announced its candidates for three constituencies in Kerala, namely Koothuparamba, Vadakara, and Kalpetta. P.K. Praveen, M.K. Bhaskaran, and P.K. Anil Kumar are the candidates for these constituencies, respectively ¹ ² ³.