തിരുവനന്തപുരം: തെരഞ്ഞെടുപ്പ് മാതൃക പെരുമാറ്റച്ചട്ടം നിലവില്‍ വന്നിട്ടും സംസ്ഥാന സര്‍ക്കാരിന്റെ പരസ്യങ്ങള്‍ പൊതുനിരത്തുകളില്‍ പ്രദര്‍ശിപ്പിക്കുന്നതിനെതിരെ പ്രതിപക്ഷം. സര്‍ക്കാരിന്റെ നേട്ടങ്ങളും, പദ്ധതികളും വിശദീകരിക്കുന്ന ഹോര്‍ഡിങ്ങുകളും പരസ്യങ്ങളും നീക്കം ചെയ്യാത്തത് ഗുരുതര ചട്ടലംഘനമാണെന്നും ഇത് തടയണമെന്നും ചൂണ്ടിക്കാട്ടി മുഖ്യതെരഞ്ഞെടുപ്പ് ഓഫീസര്‍ക്ക് പ്രതിപക്ഷ നേതാവ് വിഡി സതീശന്‍ കത്ത് നല്‍കി. 

മാര്‍ച്ച് 16നാണ് തെരഞ്ഞെടുപ്പ് വിജ്ഞാപനം വന്നത്. ഇതുകഴിഞ്ഞും കെഎസ്ആര്‍ടിസി ബസുകളിലും, മറ്റ് പൊതുസ്ഥലങ്ങളിലും ഇത്തരം പ്രചരണ ബോര്‍ഡുകള്‍ ഇപ്പോഴും ദൃശ്യമാണ്. പെരുമാറ്റച്ചട്ടം നിലവില്‍ വന്നാല്‍ സര്‍ക്കാര്‍ പരസ്യങ്ങള്‍ ഉടന്‍ നീക്കം ചെയ്യണമെന്ന കര്‍ശന നിര്‍ദേശം നിലനില്‍ക്കെ ഇത്തരം പ്രചരണങ്ങള്‍ ഗൗരവമായി കാണണം. ചട്ടലംഘനത്തിന് ഉത്തരവാദികളായവര്‍ക്കെതിരെ നടപടി സ്വീകരിക്കണമെന്നും ഇത്തരം ലംഘനങ്ങള്‍ ഇനി ഉണ്ടാകാതിരിക്കാന്‍ കര്‍ശന നിരീക്ഷണ സംവിധാനം ഏര്‍പ്പെടുത്തണമെന്നും പ്രതിപക്ഷ നേതാവ് ആവശ്യപ്പെട്ടു.

ALSO READ: തെരഞ്ഞെടുപ്പ് അടുത്തിരിക്കെ ഭിന്നത; ട്വന്റി 20യില്‍ കൂട്ടരാജി 

the opposition has raised objections to the display of state government advertisements in public places even after the model code of conduct for elections came into force. they pointed out that not removing hoardings and ads highlighting government achievements and schemes is a serious violation and should be stopped. opposition leader v.d. satheesan has submitted a letter to the chief electoral officer regarding the issue.