പന്തല്ലൂര്‍: നിയന്ത്രണം വിട്ട ലോറി വൈദ്യുതി തൂണ്‍ ഇടിച്ച് തകര്‍ത്തു. കഴിഞ്ഞ ദിവസം പന്തല്ലൂര്‍ ടൗണിലാണ് സംഭവം. പെട്ടെന്നു തന്നെ വൈദ്യുതി വിച്ഛേദിച്ച അധികൃതരുടെ സമയോചിത ഇടപെടല്‍ വന്‍ ദുരന്തം ഒഴിവാക്കുകയായിരുന്നു. ലോഡുമായെത്തിയ ലോറി നിയന്ത്രണം വിട്ട് വൈദ്യുതി തൂണില്‍ ഇടിക്കുകയായിരുന്നു. തൂണ്‍ പൂര്‍ണമായും തകര്‍ന്നിട്ടുണ്ട്. ഇതുമായി ബന്ധപ്പെട്ട് ലോറി ഡ്രൈവര്‍ ശിവകുമാറിനെതിരേ പൊലിസ് കേസെടുത്തിട്ടുണ്ട്.