തിരുവനന്തപുരം: തിരുവനന്തപുരം മെഡിക്കൽ കോളേജ് ആശുപത്രിയിലെ ഐസിയുവിലുണ്ടായ തീപിടുത്തത്തിൽ മനുഷ്യാവകാശ കമ്മിഷൻ സ്വമേധയാ കേസെടുത്തു. സംഭവത്തിൽ അടിയന്തരമായി ഉന്നതതല അന്വേഷണം നടത്തി റിപ്പോർട്ട് സമർപ്പിക്കാൻ കമ്മിഷൻ നിർദേശിച്ചു. മാധ്യമവാർത്തകളുടെ അടിസ്ഥാനത്തിലാണ് കമ്മിഷന്റെ ഇടപെടൽ.

സംഭവത്തിൽ ആരോഗ്യവകുപ്പ് അഡീഷണൽ ചീഫ് സെക്രട്ടറിക്ക് അന്വേഷണത്തിന് മനുഷ്യാവകാശ കമ്മിഷൻ നിർദേശം നൽകി. സംഭവത്തെക്കുറിച്ച് വിശദവും സുതാര്യവുമായ പരിശോധന നടത്തി അഞ്ച് ആഴ്ചയ്ക്കുള്ളിൽ റിപ്പോർട്ട് സമർപ്പിക്കാനാണ് നിർദേശം. രോഗികൾ അതീവ ജാഗ്രതയോടെ കഴിയുന്ന ഐസിയുവിൽ ഇത്തരമൊരു അപകടം ഉണ്ടായതിനെ അതീവ ഗൗരവത്തോടെയാണ് മനുഷ്യാവകാശ കമ്മിഷൻ കാണുന്നത്.

ALSO READ: തെരഞ്ഞെടുപ്പ് കമ്മിഷന്റെ കത്തിൽ ബിജെപി സീൽ: പോസ്റ്റിട്ട കേരളത്തിലെ സമൂഹമാധ്യമ അക്കൗണ്ടുകൾക്കെതിരെ കൂട്ട നടപടി; നോട്ടീസ് അയച്ച് പൊലിസ്‌

തീപിടുത്തത്തിലേക്ക് നയിച്ച കാരണങ്ങൾ, സുരക്ഷാ ക്രമീകരണങ്ങളിലെ വീഴ്ചകൾ എന്നിവ അന്വേഷണപരിധിയിൽ വരും. മെഡിക്കൽ കോളേജ് പോലെയുള്ള ഒരു പ്രധാന ചികിത്സാ കേന്ദ്രത്തിലുണ്ടായ ഈ സുരക്ഷാ വീഴ്ചയിൽ പൊതുസമൂഹത്തിനിടയിൽ വലിയ ആശങ്ക ഉയർന്നിട്ടുണ്ട്.

following a fire at the thiruvananthapuram medical college hospital’s icu, the state human rights commission has registered a suo motu case based on media reports. citing a serious security lapse in a high-priority zone, the commission has ordered a high-level probe to be conducted by the health department’s additional chief secretary.