തിരുവനന്തപുരം: കെ.എസ്.ഇ.ബിയുടെ വൈദ്യുത ബില്ലുകളിലെ സര്‍ക്കാര്‍ പരസ്യവാചകത്തിനെതിരേ കേന്ദ്ര തെരഞ്ഞെടുപ്പ് കമ്മിഷന് പരാതി. ബില്ലുകളിലെ 'പവര്‍കട്ടും ലോഡ് ഷെഡിങ്ങും ഇല്ലാത്ത പത്ത് വര്‍ഷങ്ങള്‍' എന്ന വാചകത്തിനെതിരേയാണ് സേവ് യൂനിവേഴ്‌സിറ്റി കാംപയിന്‍ കമ്മിറ്റി പരാതി നൽകിയത്. 

വൈദ്യുതി ഉപഭോക്താക്കള്‍ക്ക് ഈ മാസം ലഭിച്ച ബില്ലിലാണ് പരസ്യ വാചകമുള്ളത്. ബില്ല് അടിയന്തരമായി പിന്‍വലിക്കണമെന്നും പെരുമാറ്റച്ചട്ടം ലംഘിച്ച ഉദ്യോഗസ്ഥര്‍ക്കെതിരേ നടപടി സ്വീകരിക്കണമെന്നുമാണ് പരാതിയിലെ ആവശ്യം. 

ALSO READ: ശബരിമല സ്വര്‍ണക്കൊള്ള: കുറ്റപത്രം സമര്‍പ്പിക്കാന്‍  പ്രത്യേക അന്വേഷണസംഘം കൂടുതല്‍ സമയം തേടിയേക്കും

സാധാരണഗതിയിൽ പരസ്യങ്ങൾക്കായി ഉപയോഗിക്കാത്ത വൈദ്യുതി ബില്ലുകളെ ഈ തെരഞ്ഞെടുപ്പ് കാലത്ത് സർക്കാർ പ്രമോഷനായി ഉപയോഗിക്കുന്നുവെന്നാണ് പ്രധാന ആരോപണം. സർക്കാർ സംവിധാനങ്ങൾ ഉപയോഗിച്ച്  പ്രചാരണം നടത്തുന്നത് ചട്ടലംഘനമാണെന്ന ആരോപണവും ശക്തമാണ്. സർക്കാരിന്റെ പി.ആർ പ്രവർത്തനങ്ങൾക്കായി വൈദ്യുത ബില്ലുകളെപ്പോലും വേദിയാക്കുന്നുവെന്നും വിമർശനങ്ങൾ ഉയരുന്നുണ്ട്.