തിരുവനന്തപുരം: പ്രതിപക്ഷ നേതാവ് വി.ഡി സതീശനോട് വനവാസത്തിന് തയ്യാറാകാന്‍ പരിഹസിച്ച് സിപിഐ സംസ്ഥാന സെക്രട്ടറി ബിനോയ് വിശ്വം. യുഡിഎഫിന് നൂറ് സീറ്റിലധികം ലഭിച്ചില്ലെങ്കില്‍ രാഷ്ട്രീയം അവസാനിപ്പിച്ച് വനവാസത്തിന് പോകുമെന്ന വാക്ക് പാലിക്കുമെങ്കില്‍ സതീശന്‍ അതിന് തയ്യാറാകണമെന്ന് ബിനോയ് വിശ്വം പറഞ്ഞു. ബിജെപി-സിപിഎം ഡീലെന്ന ആരോപണം പച്ചക്കള്ളമാണെന്നും ബിനോയ് വിശ്വം പറഞ്ഞു.

''വി.ഡി സതീശന്‍ വനവാസത്തിന് പോകാനായി കൂടുംകുടുക്കയും തയ്യാറാക്കി ഭാണ്ഡവും കെട്ടിവെയ്ക്കുന്നത് നന്നാകും. നൂറു പോയിട്ട് അതിന്റെ പരിസരത്തുപോലും യുഡിഎഫ് വരില്ല. കേരളത്തില്‍ എല്‍ഡിഎഫ് അനുകൂല കാറ്റാണ് വീശുന്നത്. എല്‍ഡിഎഫിന് മൂന്നാമൂഴം ഉറപ്പാണ്. ചരിത്രമറിയാവുന്ന ഒരാളും എല്‍ഡിഎഫ്-ബിജെപി ഡീല്‍ എന്ന പച്ചക്കള്ളം വിശ്വസിക്കില്ല.  ബിനോയ് വിശ്വം പറഞ്ഞു. 

ALSO READ: ലോകം വൻ വ്യവസായ പ്രതിസന്ധിയിലേക്ക്; 70-കളേക്കാൾ വലിയ തകർച്ചയുണ്ടാകുമെന്ന് ഐസിസി മുന്നറിയിപ്പ് 

അതിനിടെ മുഖ്യമന്ത്രി പിണറായി വിജയന്‍ നടത്തിയ വിവാദ പരാമര്‍ശങ്ങളില്‍ പ്രതികരിക്കാനില്ലെന്ന് ബിനോയ് വിശ്വം പറഞ്ഞു.