വാഷിംഗ്ടൺ: ഇറാനെതിരായ യുഎസ്-ഇസ്രായേൽ നീക്കങ്ങൾ ലോകം ഇന്നുവരെ കണ്ടിട്ടുള്ളതിൽ വച്ച് ഏറ്റവും വലിയ വ്യാവസായിക പ്രതിസന്ധിക്ക് കാരണമാകുമെന്ന് ഇന്റർനാഷണൽ ചേംബർ ഓഫ് കൊമേഴ്‌സ് (ICC). 1970-കളിലെ ആഗോള എണ്ണപ്രതിസന്ധിയേക്കാൾ രൂക്ഷമായ സാഹചര്യമാണ് വരാനിരിക്കുന്നതെന്ന് ഐസിസി തലവൻ ജോൺ ഡെന്റൺ മുന്നറിയിപ്പ് നൽകി.

ALSO READ: വർഷങ്ങൾക്ക് ശേഷം ഇറാനിൽ നിന്ന് ഇന്ത്യ പാചകവാതകം വാങ്ങുന്നു; ആദ്യ ചരക്ക് ഉടൻ മംഗലാപുരത്തെത്തും

ഇന്ധനവിലയിലെ അനിയന്ത്രിതമായ കുതിച്ചുചാട്ടം ആഗോള സമ്പദ്‌വ്യവസ്ഥയെ തകിടം മറിക്കും. വാതകത്തിന്റെയും മറ്റ് അവശ്യ അസംസ്‌കൃത വസ്തുക്കളുടെയും ക്ഷാമം മൂലം ലോകത്തെ വ്യാവസായിക ഉൽപ്പാദനം തന്നെ നിലയ്ക്കുന്ന അവസ്ഥയുണ്ടാകും. വിതരണ ശൃംഖലകൾ തടസ്സപ്പെടുന്നതോടെ ആധുനിക ചരിത്രത്തിലെ ഏറ്റവും മോശം സാമ്പത്തിക ആഘാതത്തിന് ബിസിനസ് മേഖല സാക്ഷ്യം വഹിക്കും. യൗണ്ടെയിൽ നടക്കുന്ന ലോക വ്യാപാര സംഘടന (WTO) മന്ത്രിതല യോഗത്തിന് മുന്നോടിയായാണ് ഡെന്റൺ ഈ ആശങ്കകൾ പങ്കുവെച്ചത്.

ALSO READ: ഇസ്റാഈലിൽ അടിയന്തരാവസ്ഥ മൂന്നാഴ്ചത്തേക്ക് കൂടി നീട്ടി; ഉത്തരവിട്ട് നെസെറ്റ്

സമാധാന നീക്കങ്ങളുമായി ഈജിപ്ത്; ട്രംപിന് പിന്തുണ

അതേസമയം, മേഖലയിലെ സംഘർഷം ലഘൂകരിക്കുന്നതിനുള്ള ഏത് ചർച്ചകൾക്കും ആതിഥേയത്വം വഹിക്കാൻ തയ്യാറാണെന്ന് ഈജിപ്ത് അറിയിച്ചു. ഇറാനുമായി ചർച്ച നടത്താനുള്ള അമേരിക്കൻ പ്രസിഡന്റ് ഡൊണാൾഡ് ട്രംപിന്റെ നീക്കങ്ങളെ പിന്തുണയ്ക്കുന്നതായി ഈജിപ്ഷ്യൻ വിദേശകാര്യ മന്ത്രി ബദർ അബ്ദലട്ടി പറഞ്ഞു. നയതന്ത്ര ചർച്ചകളിലൂടെ മാത്രമേ നിലവിലെ പ്രതിസന്ധിക്ക് പരിഹാരം കാണാനാകൂ എന്നും അദ്ദേഹം കെയ്‌റോയിൽ വ്യക്തമാക്കി.

ALSO READ: ഹോർമുസ് കടലിടുക്കിൽ പ്രതിസന്ധി രൂക്ഷം: 2,000 കപ്പലുകളും 20,000 നാവികരും കുടുങ്ങിക്കിടക്കുന്നതായി റിപ്പോർട്ട്

ഇറാനെതിരായ സൈനിക നീക്കങ്ങളിൽ അമേരിക്ക കൈവരിച്ചെന്ന് പറയുന്ന 'മഹത്തായ നേട്ടങ്ങളെ' രാഷ്ട്രീയ എതിരാളികൾ തുരങ്കം വയ്ക്കുകയാണെന്ന് പ്രസിഡന്റ് ഡൊണാൾഡ് ട്രംപ് ആരോപിച്ചു. തന്റെ 'ട്രൂത്ത് സോഷ്യൽ' പ്ലാറ്റ്‌ഫോമിലൂടെയാണ് അദ്ദേഹം ഡെമോക്രാറ്റുകൾക്കെതിരെ രംഗത്തുവന്നത്.

The International Chamber of Commerce (ICC) has issued a stark warning that the escalating U.S.-Israel conflict with Iran could trigger the worst industrial crisis in living memory, potentially surpassing the 1970s oil shocks. ICC Secretary General John Denton highlighted that the crisis extends beyond rising energy prices, threatening severe shortages of gas and raw materials that could paralyze global manufacturing and supply chains.