കണ്ണൂര്‍: കെപിസിസി പ്രസിഡന്റ് സണ്ണി ജോസഫും, കെ സുധാകരനും തമ്മില്‍ കൂടിക്കാഴ്ച്ച നടത്തി. നടാലിലെ വീട്ടിലെത്തിയാണ് സണ്ണി ജോസഫ് സുധാകരനെ കണ്ടത്. തമ്മില്‍ ഒരു പ്രശ്‌നവും ഉണ്ടായിരുന്നില്ലെന്ന് കൂടിക്കാഴ്ച്ചക്ക് ശേഷം സുധാകരന്‍ പറഞ്ഞു. സണ്ണി ജോസഫിനോട് തനിക്കുള്ളത് പ്രേമമെന്നും സുധാകരന്‍ കൂട്ടിച്ചേര്‍ത്തു.

സണ്ണി ജോസഫിനു വേണ്ടി സുധാകരന്‍ പ്രചരണത്തിന് ഇറങ്ങും. പേരാവൂരില്‍ പ്രചരണത്തിന് പോകില്ലെന്ന് ആരാണ് പറഞ്ഞതെന്ന് സുധാകരന്‍ ചോദിച്ചു. പ്രശ്‌നങ്ങള്‍ ഉണ്ടെങ്കില്‍ അത് പറഞ്ഞു തീര്‍ത്ത് പോകുന്നവരാണ് ഞങ്ങള്‍. തമ്മില്‍ കാണാന്‍ വൈകിയില്ലെന്നും, രണ്ടുപേരും തിരക്കിലായിരുന്നെന്നും സുധാകരന്‍ പറഞ്ഞു.

ALSO READ: പശ്ചിമേഷ്യന്‍ പ്രതിസന്ധി; സര്‍വീസുകള്‍ വെട്ടിക്കുറയ്ക്കാന്‍ വിമാന കമ്പനികള്‍ 

കെ സുധാകരന്‍ തന്റെ നേതാവാണെന്നായിരുന്നു സണ്ണി ജോസഫിന്റെ പ്രതികരണം. തന്നെ ഡിസിസി പ്രസിഡന്റും, കെപിസിസി പ്രസിഡന്റുമാക്കിയത് സുധാകരനാണ്. ഒരു ജേഷ്ഠ്യ സഹോദരന്റെ സ്‌നേഹം എപ്പോഴും സുധാകരന്‍ തന്നിട്ടുണ്ടെന്നും അദ്ദേഹം പറഞ്ഞു.

kpcc president sunny joseph met k. sudhakaran at his house in nadal. after the meeting, sudhakaran said there were no issues between them.