അബുദാബി: അബൂദബിയിലെ ഖലീഫ ഇക്കണോമിക് സോണില്‍ (Khalifa Economic Zones Abu Dhabi – KEZAD) നടന്ന ഇറാന്റെ മിസൈല്‍, ഡ്രോണ്‍ ആക്രമണങ്ങളില്‍ എമിറേറ്റ്‌സ് ഗ്ലോബല്‍ അലുമിനിയത്തിന്റെ (ഇ.ജി.എ) അല്‍ തവീല പ്ലാന്റിന് വ്യാപക നാശനഷ്ടം. ശനിയാഴ്ചയാണ് സംഭവം. അബൂദബിക്ക് മുകളില്‍ വെച്ച് മിസൈലുകള്‍ പ്രതിരോധിച്ചെങ്കിലും അവശിഷ്ടങ്ങള്‍ വ്യവസായ മേഖലയില്‍ പതിച്ചതാണ് അപകടകാരണമായത്. അവശിഷ്ടങ്ങള്‍ വീണ് പ്രദേശത്ത് തീപിടിത്തവുമുണ്ടായി.
സംഭവത്തില്‍ ആറ് പേര്‍ക്ക് പരിക്കേറ്റതായി അബുദാബി മീഡിയ ഓഫീസ് അറിയിച്ചു. വ്യവസായ മേഖലയിലുണ്ടായ മൂന്ന് തീപിടിത്തങ്ങള്‍ അധികൃതര്‍ വിജയകരമായി നിയന്ത്രണവിധേയമാക്കി. തങ്ങളുടെ ഏതാനും ജീവനക്കാര്‍ക്ക് പരിക്കേറ്റിട്ടുണ്ടെന്നും എന്നാല്‍ ആരുടേയും നില ഗുരുതരമല്ലെന്നും ഇ.ജി.എ പുറത്തിറക്കിയ പ്രസ്താവനയില്‍ വ്യക്തമാക്കി. പ്ലാന്റിലുണ്ടായ നാശനഷ്ടങ്ങള്‍ വിലയിരുത്തി വരികയാണെന്നും ജീവനക്കാരുടെ സുരക്ഷയ്ക്കാണ് എപ്പോഴും പ്രഥമ പരിഗണന നല്‍കുന്നതെന്നും ഇ.ജി.എ സി.ഇ.ഒ അബ്ദുല്‍നാസര്‍ ബിന്‍ കല്‍ബാന്‍ പറഞ്ഞു.
ലോകത്തിലെ തന്നെ ഏറ്റവും വലിയ അലുമിനിയം ഉല്‍പ്പാദന കേന്ദ്രങ്ങളിലൊന്നാണ് ഇ.ജി.എയുടെ കീഴിലുള്ള അല്‍ തവീല കോംപ്ലക്‌സ്. 2025ല്‍ 1.6 ദശലക്ഷം ടണ്‍ കാസ്റ്റ് മെറ്റലാണ് ഇവിടെ ഉല്‍പ്പാദിപ്പിച്ചത്. ഇതിന് പുറമെ ഉല്‍പ്പാദനത്തിന് ആവശ്യമായ അസംസ്‌കൃത വസ്തുക്കള്‍ വിതരണം ചെയ്യുന്ന അലുമിന റിഫൈനറിയും ഇതിനോട് ചേര്‍ന്നുണ്ട്. എണ്ണ, വാതക ഇതര മേഖലയില്‍ യു.എ.ഇയിലെ ഏറ്റവും വലിയ വ്യാവസായിക സ്ഥാപനമാണ് ഇ.ജി.എ. ലോകത്തെ ഏറ്റവും വലിയ 'പ്രീമിയം അലുമിനിയം' ഉല്‍പ്പാദകരും ഇവരാണ്.

As part of the ongoing follow-up to the previously reported incident in the vicinity of Khalifa Economic Zones Abu Dhabi – KEZAD, caused by falling debris following the successful interception of a ballistic missile by air defence systems, authorities confirmed outbreak of a…

— مكتب أبوظبي الإعلامي (@ADMediaOffice) March 28, 2026

അതേസമയം, സംഘര്‍ഷം ആരംഭിക്കുന്നതിന് മുന്‍പ് തന്നെ വന്‍തോതിലുള്ള അലുമിനിയം ശേഖരം കപ്പലുകളിലൂടെയും വിദേശ രാജ്യങ്ങളിലെ സംഭരണ കേന്ദ്രങ്ങളിലൂടെയും സുരക്ഷിതമാക്കിയിട്ടുള്ളതിനാല്‍ വിതരണത്തില്‍ തല്‍ക്കാലം വലിയ പ്രതിസന്ധിയുണ്ടാകില്ലെന്നാണ് കമ്പനിയുടെ വിലയിരുത്തല്‍. പ്ലാന്റിലെ അറ്റകുറ്റപ്പണികള്‍ക്കും നാശനഷ്ടങ്ങള്‍ തിട്ടപ്പെടുത്തുന്നതിനുമുള്ള നടപടികള്‍ പുരോഗമിക്കുകയാണ്.

Summary: EGA's Al Taweelah site in Abu Dhabi sustained significant damage following Iranian missile and drone attacks. Debris from intercepted missiles caused fires and injuries, with six people hurt. The aluminium complex, a major production centre, is assessing the damage. EGA, a key industrial organisation, has substantial metal stocks which may mitigate near-term supply disruptions.
Emirates Global Aluminium (EGA) said its Al Taweelah site in Khalifa Economic Zone Abu Dhabi (KEZAD) sustained “significant damage” during Iranian missile and drone attacks on Saturday.