അബൂദബി: ഇറാനില്‍ നിന്നുള്ള വ്യോമാക്രമണം തുടരവെ അതിനനുസരിച്ച് പ്രതിരോധവും ശക്തമാക്കി യു.എ.ഇ. ഇന്നലെ മാത്രം 20 ബാലിസ്റ്റിക് മിസൈലുകളും 37 ഡ്രോണുകളും വ്യോമ പ്രതിരോധ സേന ആകാശത്തുവച്ച് തന്നെ തകര്‍ത്തു.
ഇതോടെ യു.എ.ഇ വ്യോമ പ്രതിരോധം കൈകാര്യം ചെയ്ത ബാലിസ്റ്റിക് മിസൈലുകളുടെ എണ്ണം 398 ആയി. ഇതുവരെ 15 ക്രൂയിസ് മിസൈലുകളും ഡ്രോണുകളും നേരിട്ടു. ഇന്നലെ അഞ്ച് ഇന്ത്യക്കാര്‍ ഉള്‍പ്പെടെ ആറ് പേര്‍ക്ക് പരിക്കേറ്റതോടെ ആക്രമണങ്ങളില്‍ രാജ്യത്ത് പരിക്കേറ്റവരുടെ എണ്ണം 178 ആയി.
ഇതുവരെ 11 പേര്‍ക്ക് ജീവന്‍ നഷ്ടമായി. രണ്ട് യു.എ.ഇ സൈനികനും യു.എ.ഇ സൈന്യത്തിലെ കരാര്‍ ജീവനക്കാരനായ മൊറോക്കോ പൗരനും എട്ട് സാധാരണക്കാരുമാണ് കൊല്ലപ്പെട്ടത്. ഇന്ത്യ, പാകിസ്താന്‍, നേപ്പാള്‍, ബംഗ്ലാദേശ്, ഫലസ്തീന്‍ എന്നീ രാജ്യങ്ങളില്‍ നിന്നുള്ള പ്രവാസികളാണിവര്‍. പരുക്കേറ്റവരില്‍ യു.എ.ഇ പൗരന്‍മാരും നിരവധി രാജ്യങ്ങളില്‍ നിന്നുള്ള പ്രവാസികളും ഉള്‍പ്പെടുന്നു.

ALSO READ: അബൂദബിയിലെ ഖലീഫ ഇക്കണോമിക് സോണില്‍ ഇറാന്റെ ആക്രമണ ശ്രമം; മിസൈല്‍ അവശിഷ്ടം പതിച്ച് അലുമിനിയം പ്ലാന്റിന് കേടുപാട്

English Summary: Strengthening its defense against ongoing airstrikes from Iran, the UAE's air defense forces successfully intercepted and destroyed 20 ballistic missiles and 37 drones yesterday. This brings the total number of ballistic missiles neutralized by the UAE to 398, in addition to 15 cruise missiles and drones intercepted to date.