ചെന്നൈ: തമിഴ്‌നാട് നിയമസഭാ തെരഞ്ഞെടുപ്പില്‍ നടനും തമിഴക വെട്രി കഴകം(ടി.വി.കെ) അധ്യക്ഷനുമായ വിജയ് രണ്ട് മണ്ഡലങ്ങളില്‍ മത്സരിക്കും. പെരമ്പൂര്‍, തിരുച്ചിറപ്പള്ളി ഈസ്റ്റ് എന്നീ മണ്ഡലങ്ങളിലാണ് വിജയ് മത്സരിക്കുന്നു. 

അതേസമയം, ഭരണകക്ഷിയായ ദ്രാവിഡ മുന്നേറ്റ കഴകം (ഡി.എം.കെ) 164 സീറ്റുകളില്‍ മത്സരിക്കും. ഇന്നലെ പ്രഖ്യാപിച്ച പാര്‍ട്ടി സ്ഥാനാര്‍ഥി പട്ടികയില്‍ 60 പേരും പുതുമുഖങ്ങളാണ്. മുഖ്യമന്ത്രി എം.കെ. സ്റ്റാലിന്‍ കൊളത്തൂര്‍ മണ്ഡലത്തില്‍ നിന്നും മകനും ഉപമുഖ്യമന്ത്രിയുമായ ഉദയനിധി സ്റ്റാലിന്‍ വീണ്ടും ചെപ്പോക്കില്‍ നിന്നും ജനവിധി തേടും. 

ALSO READ: രാമനവമി ഘോഷയാത്രയ്ക്കിടെ ഇത്തവണയും മുസ്്ലിം വിരുദ്ധ ആക്രമണം

ടി.വി.കെയുടെ 24 സ്ഥാനാര്‍ഥികളെയാണ് നിലവില്‍ പ്രഖ്യാപിച്ചത്. ടി.വി.കെ ജില്ലാ സെക്രട്ടറി വി.പി മതിയഴകനാണ് കരൂരില്‍ സ്ഥാനാര്‍ഥി. കരൂര്‍ ദുരന്തത്തില്‍ ആദ്യം അറസ്റ്റ് ചെയ്യപ്പെട്ട നേതാവായിരുന്നു മതിയഴകന്‍. 

ഒരു വട്ടം തനിക്ക് അവസരം നല്‍കണമെന്ന് സ്ഥാനാര്‍ഥികളെ പ്രഖ്യാപിച്ചുകൊണ്ട് നടത്തിയ പ്രസംഗത്തില്‍ വിജയ് പറഞ്ഞു. പാര്‍ട്ടിയുടെ ചിഹ്നമായ വിസില്‍ ഉയര്‍ത്തിക്കാട്ടിയായിരുന്നു അദ്ദേഹം വോട്ടഭ്യര്‍ഥിച്ചത്. 

ഡി.എം.കെയുടെ നേതൃത്വത്തിലുള്ള മതേതര പുരോഗമന സഖ്യം, അണ്ണാ ഡി.എം.കെ നയിക്കുന്ന എന്‍.ഡി.എ, വിജയ്യുടെ ടി.വി.കെ, സീമാന്റെ നാം തമിഴര്‍ കക്ഷി (എന്‍.ടി.കെ) എന്നിവര്‍ തമ്മിലുള്ള ശക്തമായ ചതുഷ്‌കോണ മത്സരത്തിനാകും ഇത്തവണ തമിഴ്നാട് സാക്ഷ്യം വഹിക്കുക.

Vijay is set to make his political debut with TVK, contesting from two constituencies in the upcoming elections. The move marks a significant entry into active politics for the popular actor, drawing widespread attention and interest across the state.