മുംബൈ: മുംബൈയില്‍ ഡെലിവറി വാഹനത്തില്‍ നിന്ന് 27 എല്‍.പി.ജി ഗ്യാസ് സിലിണ്ടറുകള്‍ മോഷണം പോയി. വിതരണത്തിനായി കൊണ്ടുപോകുന്ന ടെമ്പോയില്‍ നിന്നാണ് 27 എല്‍.പി.ജി ഗ്യാസ് സിലിണ്ടറുകള്‍ മോഷണം പോയത്. മുംബൈയിലെ കാന്തിവാലി പ്രദേശത്തെ ചാര്‍കോപ്പിലാണ് സംഭവം. സംഭവത്തില്‍ പൊലിസ് അന്വേഷണം ആരംഭിച്ചു. 

പശ്ചിമേഷ്യന്‍ സംഘര്‍ഷത്തെ തുടര്‍ന്ന് രാജ്യത്ത് പാചക വാതക പ്രതിസന്ധി രൂക്ഷമായ സാഹചര്യത്തിലാണ് എല്‍.പി.ജി മോഷണം നടന്നത്. മോഷണം പോയ 27 ഗ്യാസ് സിലിണ്ടറുകളില്‍ 5 ഗ്യാസ് നിറച്ച കുറ്റികളും 22 കാലി കുറ്റികളുമായിരുന്നു. ഗ്യാസ് ഡെലിവറി ബോയ് ആയ നന്ദകുമാര്‍ രാംരാജിന്റെ പരാതിയിലാണ് പൊലിസ് കേസെടുത്തത്. മാര്‍ച്ച് 25 നാണ് സംഭവം. 

വീടിനടുത്ത് പാര്‍ക്ക് ചെയ്തിരുന്ന വാഹനത്തില്‍ നിന്നാണ് എല്‍.പി.ജി ഗ്യസ് സിലിണ്ടറുകള്‍ മോഷണം പോയതെന്ന് പരാതിയില്‍ പറയുന്നു. വാഹനത്തിന്റെ പൂട്ടുകളും ഗ്ലാസും തകര്‍ന്ന നിലയിലാണ്. 

മോഷണത്തിന് പിന്നിലുള്ളവരെ കണ്ടെത്താന്‍ ഒന്നിലധികം സംഘങ്ങള്‍ രൂപീകരിച്ചിട്ടുണ്ടെന്ന് ഉദ്യോഗസ്ഥര്‍ പറഞ്ഞു. 'പ്രദേശത്ത് നിന്നുള്ള സിസിടിവി ദൃശ്യങ്ങള്‍ കേന്ദ്രീകരിച്ചാണ് പ്രധാനമായും അന്വേഷണം നടത്തുന്നത്. പ്രതികളെ ഉടന്‍ തന്നെ പിടികൂടുമെന്നും പൊലിസ് പറഞ്ഞു. 

In a theft incident, 27 LPG cylinders were stolen from a delivery vehicle, out of which 22 were empty cylinders. The incident has raised concerns over the security of transport vehicles carrying essential commodities.