മാത്രമല്ല സര്‍ക്കാര്‍ ആശുപത്രികളിലെ ഡയാലിസിസ് യൂണിറ്റുകളുടെ എണ്ണം ഇരട്ടിയാക്കുമെന്നും, മുഖ്യമന്ത്രിയുടെ ആരോഗ്യ ഇന്‍ഷുറന്‍സ് പദ്ധതി പ്രകാരമുള്ള ആനുകൂല്യം ഒരു ലക്ഷം രൂപയായി ഉയര്‍ത്തുമെന്നും സ്റ്റാലിന്‍ അറിയിച്ചു. കര്‍ഷകര്‍ക്ക് മീറ്ററില്ലാത്ത പമ്പ് സെറ്റുകള്‍ അനുവദിക്കുന്നതോടൊപ്പം 20 ലക്ഷം ഗുണഭോക്താക്കള്‍ക്ക് നിലവില്‍ നല്‍കിവരുന്ന സൗജന്യ വൈദ്യുതി പദ്ധതി തുടരുമെന്നും അദ്ദേഹം പറഞ്ഞു. 

വിദ്യാര്‍ഥികളെ ലക്ഷ്യമിട്ട് വമ്പന്‍ പ്രഖ്യാപനങ്ങള്‍ ഇത്തവണയുമുണ്ട്. സര്‍ക്കാര്‍ സ്‌കൂളുകളില്‍ ഒന്നുമുതല്‍ അഞ്ചുവരെ ക്ലാസുകളില്‍ നല്‍കിവരുന്ന പ്രഭാത ഭക്ഷണ പദ്ധതി എട്ടാം ക്ലാസുവരെ വ്യാപിപ്പിക്കും. ഉന്നത വിദ്യാഭ്യാസ രംഗത്തുള്ള 35 ലക്ഷം വിദ്യാര്‍ഥികള്‍ക്ക് സൗജന്യ ലാപ്‌ടോപ്പ് വിതരണം ചെയ്യുമെന്നും ഡിഎംകെ അറിയിച്ചു. 

ലോക്‌സഭാ അംഗമായ കനിമൊഴി കരുണാനിധിയുടെ നേതൃത്വത്തിലുള്ള സമിതിയാണ് പ്രകടനപത്രിക തയ്യാറാക്കിയത്. ഡിഎംകെ സര്‍ക്കാര്‍ കഴിഞ്ഞ തവണ നല്‍കിയ വാഗ്ദാനങ്ങള്‍ എല്ലാം പാലിച്ചുവെന്നും ജനങ്ങള്‍ ഭരണത്തുടര്‍ച്ച ആഗ്രഹിക്കുന്നുവെന്നും പ്രകടന പത്രിക പുറത്തിറക്കിക്കൊണ്ട് സ്റ്റാലിന്‍ കൂട്ടിച്ചേര്‍ത്തു. 

dmk releases manifesto for assembly elections, promises rs 2000 for women, free electricity, pension hike and more