മദീന: മദീനയിലെ ജലവിതരണ സംവിധാനം കൂടുതൽ കാര്യക്ഷമമാക്കുന്നതിനായി നാഷനൽ വാട്ടർ കമ്പനി നടപ്പിലാക്കിയ ട്രാൻസ്മിഷൻ ലൈൻ പദ്ധതി പൂർത്തിയായി. 60 ദശലക്ഷം സഊദി റിയാൽ ചെലവഴിച്ചാണ് പദ്ധതി പൂർത്തിയാക്കിയത്. മദീനയുടെ പടിഞ്ഞാറൻ മേഖലകളിലെ ജലദൗർലഭ്യം ഇല്ലാതാക്കുകയാണ് പദ്ധതിയുടെ പ്രധാന ലക്ഷ്യം. മസ്ജിദുന്നബവിയിലേക്കെത്തുന്ന തീർഥാടകർക്കും, താമസകേന്ദ്രങ്ങൾ, മീഖാത്ത് മസ്ജിദ് എന്നിവിടങ്ങളിലും ഈ പദ്ധതിയിലൂടെ ജലം എത്തിക്കാൻ സാധിക്കും.

ALSO READ: ജിമ്മുകളിൽ വ്യാജ മരുന്നും ഹോർമോൺ ഇഞ്ചക്ഷനും; സഊദിയിൽ വിദേശി ജിം ട്രെയിനർമാർ പിടിയിൽ

ഏകദേശം 10 കിലോമീറ്റർ നീളത്തിലാണ് പുതിയ ട്രാൻസ്മിഷൻ പൈപ്പ് ലൈനുകൾ സ്ഥാപിച്ചിരിക്കുന്നത്. മദീനയിലെ വിവിധ ജില്ലകളിലായി 1,37,000ത്തിലധികം ആളുകൾക്ക് പദ്ധതിയുടെ പ്രയോജനം നേരിട്ട് ലഭിക്കും. അൽ-അസീസിയ, അൽ-ഖസ്‌വ, അർവ, അബു ബരീഖ, അൽ-ദൈത്ത, ഹംറ അൽ-അസദ്, അൽ-മീഖാത്ത്, ഇൻഡസ്ട്രിയൽ ഏരിയ, അൽ-ഹിജ്‌റ റോഡ്, ദി അൽ-ഹുലൈഫ, അബു മർഖ തുടങ്ങിയ ഇടങ്ങളിൽ ജലവിതരണം ഇനി സുഗമമാകും. സഊദി വിഷൻ 2030ന്റെ ഭാഗമായി അടിസ്ഥാന സൗകര്യ വികസനത്തിൽ വലിയ മുന്നേറ്റമാണ് രാജ്യം ലക്ഷ്യമിടുന്നത്.

The National Water Company (NWC) has completed a SAR 60 million water transmission project in Madinah. Stretching 10km, the new pipeline will benefit over 137,000 residents and visitors across districts like Al-Aziziyah and Al-Miqat. This project ensures 24/7 water sustainability for the Prophet’s Mosque surroundings and western Madinah, aligning with Saudi Vision 2030.