പാലക്കാട്: ഒറ്റപ്പാലത്തെ യുഡിഎഫ് സ്ഥാനാര്‍ഥി പികെ ശശി നാമനിര്‍ദേശ പത്രികയില്‍ കൃത്രിമം കാട്ടിയെന്ന ആരോപണവുമായി എല്‍ഡിഎഫ്. പത്രികയില്‍ നല്‍കിയ പേരിലും, വയസിലും കൃത്രിമം കാട്ടിയെന്നാണ് പരാതി. 

പി.കെ ശശി പഠിച്ച കുലുക്കല്ലൂര്‍ വിഎയുപി സ്‌കൂളിലെ സര്‍ട്ടിഫിക്കറ്റിലുള്ള പേര് ശശിധരന്‍ പികെ എന്നാണ്. പാസ്‌പോര്‍ട്ടില്‍ അദ്ദേഹത്തിന്റെ പേര് ശശി എന്ന് മാത്രമാണ്. പേരില്‍ മാറ്റം വരുത്തണമെങ്കില്‍ നിലവിലുള്ള നിയമപ്രകാരം ഗസറ്റ് നോട്ടിഫിക്കേഷന്‍ ഉണ്ടാകണം. അതുണ്ടായതായി അറിവില്ല. സ്‌കൂളില്‍ സര്‍ട്ടിഫിക്കറ്റിലെ ജനന തീയതിയിലും കൃത്രിമം കാണിച്ചുവെന്നും പൊലിസിനും തെരഞ്ഞെടുപ്പ് കമ്മീഷനും പരാതി നല്‍കുമെന്നും എല്‍ഡിഎഫ് നേതാക്കള്‍ പറഞ്ഞു.

ALSO READ: ഹോർമുസ് കടലിടുക്ക് തുറക്കണം: ഇറാനെതിരെ 48 മണിക്കൂർ സമയപരിധി പ്രഖ്യാപിച്ച് ഡൊണാൾഡ് ട്രംപ് 

അതേസമയം എസ്എസ്എല്‍സി ബുക്ക് അടക്കമുള്ള രേഖകളില്‍ തന്റെ പേര് പി.കെ ശശി എന്നാണെന്ന് സ്ഥാനാര്‍ഥി വ്യക്തമാക്കി. നേരത്തെ ഷൊര്‍ണൂരില്‍ എല്‍ഡിഎഫ് സ്ഥാനാര്‍ഥിയായി മത്സരിച്ചപ്പോഴും ഇതേ പേര് തന്നെയായിരുന്നുവെന്നും, അതുകൊണ്ട് ഇപ്പോള്‍ വിഷയം ഉന്നയിക്കുന്നത് രാഷ്ട്രീയപ്രേരിതമായി മാത്രമാണെന്നും പികെ ശശി പറഞ്ഞു. 

In Ottapalam, the LDF has accused P. K. Sasi, the UDF candidate, of manipulating details in his nomination papers.