കോഴിക്കോട് പുതുപ്പാടിയിൽ യൂത്ത് കോൺഗ്രസ് നേതാക്കൾ തമ്മിൽ സംഘർഷം; വൈസ് പ്രസിഡന്റിന്റെ തലക്ക് പരിക്കേറ്റു
കോഴിക്കോട്: കോഴിക്കോട് പുതുപ്പാടിയിൽ യൂത്ത് കോൺഗ്രസ് നേതാക്കൾ തമ്മിലുണ്ടായ സംഘർഷത്തിൽ വൈസ് പ്രസിഡന്റിന് പരിക്ക്. യൂത്ത് കോൺഗ്രസ് മണ്ഡലം സെക്രട്ടറി പ്രിൻസാണ് വൈസ് പ്രസിഡന്റ് ജിൻസ് കെ ജാൻസിനെ തലക്ക് കുത്തിപ്പരിക്കേൽപ്പിച്ചത്. മൈലള്ളാപയിലിൽ വെച്ചാണ് ആക്രമണമുണ്ടായത്.
മണ്ഡലം പ്രസിഡന്റ് ദീപു, ഭാരവാഹി എൽബിൻ എന്നിവരുടെ നേതൃത്വത്തിൽ പതിനഞ്ചോളം വരുന്ന സംഘമാണ് ആക്രമണത്തിന് പിന്നിലെന്ന് ജിൻസ് ആരോപിച്ചു. സംഘർഷത്തിനിടെ സെക്രട്ടറി പ്രിൻസ് കല്ലുകൊണ്ട് തന്നെ കുത്തിപ്പരിക്കേൽപ്പിച്ചെന്നും ജിൻസ് പറഞ്ഞു.
പ്രിൻസിന്റെ വീടിനടുത്തുള്ള റോഡിൽവെച്ചാണ് സംഘർഷം. പരിക്കേറ്റ ജിൻസിനെ ഉടൻ ആശുപത്രിയിൽ പ്രവേശിപ്പിച്ചു. സംഘടന പ്രശ്നങ്ങൾ കാരണമാണ് അക്രമമെന്നും നടപടിയെടുക്കണമെന്നും ആവശ്യപ്പെട്ട് ജിൻസ് പൊലിസിൽ പരാതി നൽകി.
In Puthuppadi, a clash broke out between leaders of the Indian Youth Congress, leaving the vice president injured. The attack was allegedly carried out by the mandalam secretary, Prince, who struck vice president Jins K Jans on the head.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."