കൊണ്ടോട്ടി: കൊണ്ടോട്ടി വലിയതോട്ടില്‍ സാമൂഹ്യവിരുദ്ധര്‍ വിഷം കലര്‍ത്തിയതിനെ തുടര്‍ന്നു മത്സ്യക്കുഞ്ഞുങ്ങള്‍ ചത്തു പൊങ്ങി.
കഴിഞ്ഞ ദിവസം രാത്രിയിലാണ് സംഭവം. രാവിലെ മത്സ്യക്കുഞ്ഞുങ്ങള്‍ കൂട്ടത്തോടെ ചത്തുപൊങ്ങിയതു കണ്ടതോടെയാണ് സംഭവം പുറത്തറിയുന്നത്.
മഴയില്ലാത്തതിനാല്‍ തോട്ടില്‍ നീരൊഴുക്ക് കുറവാണ്. നഞ്ച് കലക്കി മീന്‍പിടിക്കാനുളള ശ്രമമാണെന്ന് കരുതുന്നു. ചത്തുപൊങ്ങിയ മത്സ്യങ്ങള്‍ ശേഖരിക്കാന്‍ അന്യസംസ്ഥാന തൊഴിലാളികളടക്കം തോട്ടിലിറങ്ങി.