കൊച്ചി: ലൈംഗികാതിക്രമ കേസില്‍ സംവിധായകന്‍ രഞ്ജിത്ത് ജയിലില്‍ തുടരും. ജാമ്യാപേക്ഷയില്‍ കോടതി മറ്റന്നാള്‍ വിധി പറയും. എറണാകുളം ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയാണ് വിധി പറയുക. 

തെരഞ്ഞെടുപ്പില്‍ വോട്ടുചെയ്യണമെന്നാവശ്യപ്പെട്ടാണ് രഞ്ജിത്ത് ഇടക്കാല ജാമ്യത്തിനായി കോടതിയെ സമീപിച്ചിരുന്നത്. എന്നാല്‍ ജയിലില്‍ കഴിയുന്നൊരാള്‍ക്ക് വോട്ട് ചെയ്യാന്‍ അവകാശമില്ലെന്നും നിലവില്‍ ഒരു കേസില്‍ കുറ്റാരോപിതനാണ് പ്രതിയെന്നും ചൂണ്ടിക്കാട്ടി പ്രോസിക്യൂഷന്‍ എതിര്‍ക്കുകയായിരുന്നു. 

യുവനടിയുടെ പരാതിയില്‍ അറസ്റ്റിലായതിനെ തുടര്‍ന്ന് ഈ മാസം ഒന്നു മുതല്‍ രഞ്ജിത്ത് ജുഡീഷ്യല്‍ കസ്റ്റഡിയിലാണ്. 

ജനുവരി 30നാണ് കേസിനാസ്പദമായ സംഭവമുണ്ടായത്. പുതിയ സിനിമ ഷൂട്ടിങ്ങ് സെറ്റില്‍ കാരവനില്‍വച്ച് രഞ്ജിത് യുവനടിയെ കടന്നുപിടിച്ചെന്നാണ് കേസ്. ജനുവരി 30നാണ് സംഭവം നടന്നതെങ്കിലും  യുവതി മാര്‍ച്ച് 28നാണ് കൊച്ചി സിറ്റിപൊലിസ് കമ്മിഷണര്‍ക്ക്  കുടുംബത്തോടൊപ്പം എത്തി പരാതി നല്‍കിയത്. പരാതി ലഭിച്ചയുടന്‍ വളരെ രഹസ്യമായിട്ടായിരുന്നു പൊലിസിന്റെ നീക്കം. പ്രത്യേക അന്വേഷണസംഘത്തെ രൂപീകരിക്കുകയായിരുന്നു. കേസ് എടുത്തതിനുപിന്നാലെ യുവതിയുടെ രഹസ്യമൊഴിയും രേഖപ്പെടുത്തി. കേസ് വിവരം അറിഞ്ഞ രഞ്ജിത്  അറസ്റ്റില്‍ നിന്ന് രക്ഷപ്പെടാനും ശ്രമം നടത്തി. കോട്ടയത്തുവച്ച്  അറസ്റ്റുചെയ്യാന്‍ പൊലിസ് ശ്രമം നടത്തിയെങ്കിലും  കഴിഞ്ഞില്ല. തുടര്‍ന്നാണ് ഇടുക്കി മുട്ടത്തുനിന്നും തൊടുപുഴ പൊലിസ് കാര്‍ തടഞ്ഞുനിര്‍ത്തി  രഞ്ജിത്തിനെ കസ്റ്റഡിയിലെടുത്തത്. 

Filmmaker Ranjith will remain in custody in connection with a sexual harassment case, as the court has deferred its decision on his bail plea to a later date. The case has drawn significant attention within the Malayalam film industry, with further legal proceedings expected to determine the outcome.