തിരുവനന്തപുരം: സംസ്ഥാനത്ത് വേനല്‍ചൂട് കനത്തതോടെ വൈദ്യുതി വൈദ്യുതി ഉപഭോഗം റെക്കോര്‍ഡിലേക്ക്. ഇന്നലെ വൈകുന്നേരം മാത്രം വൈദ്യുതി ഉപഭോഗം 5933 മെഗാവാട്ട് ആയിരുന്നു. ആദ്യമായിട്ടാണ് വൈദ്യുതി ഉപഭോഗം ഇത്രയധികം ഉയരുന്നത്. ഈ മാസത്തെ ഏറ്റവും ഉയര്‍ന്ന വൈദ്യുതി ഉപഭോഗവും ഇന്നലെയാണ് രേഖപ്പെടുത്തിയത്. 112.16ദശലക്ഷം യൂണിറ്റ് വൈദ്യുതിയാണ് ഇന്നലെ മാത്രം ഉപയോഗിച്ചത്. അതേസമയം, വൈദ്യുതി ആവശ്യകത 6000 മെഗവാട്ട് പിന്നിട്ടാല്‍ പ്രതിസന്ധിയുണ്ടാകാന്‍ സാധ്യതയുണ്ടെന്ന് കെ.എസ്.ഇ.ബി വ്യക്തമാക്കി. 

അതേസമയം, സംസ്ഥാനത്ത്  ചൂട് തുടരുകയാണ്. ഇടുക്കിയും വയനാടും ഒഴികെയുള്ള ജില്ലകളില്‍ താപനില മുന്നറിയിപ്പ് പ്രഖ്യാപിച്ചിട്ടുണ്ട്. പാലക്കാട് 40 ഡിഗ്രി സെല്‍ഷ്യസ് വരെ താപനില ഉയര്‍ന്നേക്കും. പകല്‍ സമയത്ത് പുറത്തിറങ്ങുമ്പോള്‍ ജാഗ്രത പാലിക്കണം. ഇന്നലെ പാലക്കാട് രേഖപ്പെടുത്തിയത് 39.2 ഡിഗ്രി സെല്‍ഷ്യസാണ്. 

കൊല്ലത്ത് 39 ഡിഗ്രി സെല്‍ഷ്യസ് വരെ താപനില ഉയരാന്‍ സാധ്യതയുണ്ട്. പത്തനംതിട്ട, ആലപ്പുഴ, കോട്ടയം, എറണാകുളം, തൃശ്ശൂര്‍, കോഴിക്കോട്, കണ്ണൂര്‍, കാസര്‍കോട് ജില്ലകളില്‍ 37 ഡിഗ്രി സെല്‍ഷ്യസ് വരെയും തിരുവനന്തപുരം, മലപ്പുറം ജില്ലകളില്‍ 36 ഡിഗ്രി സെല്‍ഷ്യസ് വരെയും താപനില ഉയരാം. സൂര്യാഘാത സാധ്യത കണക്കിലെടുത്ത് ജാഗ്രത പാലിക്കണം.  നിര്‍ജലീകരണം തടയാനും നേരിട്ട് ശരീരത്തില്‍ സൂര്യപ്രകാശമേല്‍ക്കാതിരിക്കാനും പ്രത്യേകം ശ്രദ്ധിക്കണം.

Kerala is experiencing intense heatwave conditions, leading to a sharp surge in electricity consumption across the state. As temperatures soar, the demand for cooling appliances has pushed power usage to record levels.